ആംആദ്മി പാർട്ടിയിൽ ചേർന്നതിൽ ഇപ്പോൾ ദുഖിക്കുന്നുണ്ടെന്ന് പ്രശാന്ത് ഭൂഷൻ. അരവിന്ദ് കെജ്റിവാളിനെ നേരത്തെ തരിച്ചറിയാൻ കഴിഞ്ഞില്ലെന്നും അദ്ദേഹം പറഞ്ഞു. ഇതിലും താൻ ഖേദിക്കുന്നു. കെജ്രിവാൾ തീരെ മനസാക്ഷിയില്ലാത്തവനും എന്ത് മാർഗവും ഉപയോഗിക്കാൻ മടിയില്ലാത്തയാളുമാണ്. ഇത്തരം കാര്യങ്ങൾ മനസിലാക്കാൻ വൈകി. ഇതെല്ലാം നേരത്തെ മനസിലാക്കേണ്ടാതായിരുന്നു.
ഇന്ത്യകറപ്ഷൻ എഗെയ്ൻസ് കറപ്ഷൻ മൂവ്മെന്റ് ബിജെപിയുടെ നീക്കമായിരുന്നു. ആ പ്രസ്ഥാനം പരോക്ഷമായി ബിജെപിയുടെയും മോദിയുടെയും വർളർച്ചക്ക് സഹായിച്ചു. ഇത് കോൺഗ്രസിനെ ഇല്ലാതാക്കി. ഇത്തരം നീക്കങ്ങൾ ബിജെപിയെയും മോദിയെയും അധികാരത്തിൽ എത്താൻ സഹായിച്ചു. രാജ്യത്തിന്റെ ജാനാധിപത്യത്തിനും സംസ്കാരത്തിനും ഭീഷണിയായി ബിജെപി വളർന്നു വന്നു. ഇന്ത്യ എഗെയിൻസ്റ്റ് കറപ്ഷൻ മൂവ്മെന്റിനെ സൂക്ഷമമായി തിരിച്ചറിയാൻ കഴിയായത്തത് പോരായ്മയാണ്.
