2020 ഒക്ടോബർ 2ന് ലോഞ്ച് ചെയ്തതുമുതൽ രണ്ടാം തലമുറ മഹിന്ദ്ര താറിന് വാഹന പ്രേമികൾക്കിടയിൽ വൻ സ്വീകര്യതയാണ് ലഭിച്ചിട്ടുള്ളത്. ഇതുവരെ 20,000ത്തിലധികം ബുക്കിങ് ആണ് വാഹനത്തിന് ലഭിച്ചിട്ടുള്ളത്. അഞ്ഞൂറോളം യൂണിറ്റുകളാണ് കമ്പനി ഇതുവരെ കൈമാറിയത്. ഹാർഡ് ടോപ് മോഡലിനാണ് ഏറ്റവുമധികം ആരാധകരുള്ളത്. നിലവിൽ താർ 2000 യൂണിറ്റുകളാണ് നിർമ്മിക്കുന്നത്, എന്നാൽ ആവശ്യക്കാർ വർദ്ധിക്കുന്ന സാഹചര്യത്തിൽ ഉത്പാദനം 3000 യൂണിറ്റായി ഉയർത്തുന്നത് പരിഗണിക്കുമെന്ന് കമ്പനി അറിയിച്ചു.
ഥാറിന്റെ അടിസ്ഥാന രൂപത്തിന് വലിയ മാറ്റം വരുത്താതെയാണ് പുതിയ രൂപം. രണ്ട് എൻജിൻ ഓപ്ഷനുകളും, കൂടുതൽ ട്രാൻസ്മിഷൻകളുമാണ് പുതിയ താറിന്റെ സവിശേഷത. 2.0 ലിറ്റര് പെട്രോള് എന്ജിനും 2.2 എംഹോക്ക് ഡീസല് എന്ജിനും ആറ് സ്പീഡ് ഓട്ടോമാറ്റിക്, മാനുവല് ട്രാന്സ്മിഷനുകളുമാണ് മഹീന്ദ്രയുടെ എംസ്റ്റാലിയന് ശ്രേണിയെ വ്യത്യസ്തമാക്കുന്നത്. 9.80 ലക്ഷം മുതല് 12.95 ലക്ഷം രൂപ വരെയാണ് വാഹനത്തിന്റെ എക്സ്ഷോറും വില.