പാലാരിവട്ടം പാലം അഴിമതിക്കേസിൽ മുന് മന്ത്രി വികെ ഇബ്രാഹിംകുഞ്ഞിനെ വിജിലന്സ് വീണ്ടും ചോദ്യം. ഇബ്രാഹിം കുഞ്ഞിനെ ശനിയാഴ്ചയാകും ചോദ്യം ചെയ്യുക. നേരത്തേ നല്കിയ മൊഴികളില് പൊരുത്തക്കേടുകള് കണ്ടെത്തിയ സാഹചര്യത്തിലാണ് വിജിലൻസിന്റെ നടപടി.
പാലാരിവട്ടം പാലം അഴിമതി കേസിൽ മുൻമന്ത്രി വി.കെ ഇബ്രാഹിം കുഞ്ഞിനെ പ്രോസിക്യൂട്ട് ചെയ്യാൻ ഗവർണർ ആരിഫ് മുഹമ്മദ് ഖാനാണ് അനുമതി നൽകിയത്. പാലാരിവട്ടം പാലം നിര്മ്മാണവുമായി ബന്ധപ്പെട്ട് കരാറുകാര്ക്ക് ചട്ടവിരുദ്ധമായി മുന്കൂര് പണം നല്കിയ കേസിലാണ് പ്രോസിക്യുഷന് നടപടി. ഇതേ കേസില് അറസ്റ്റിലായ ടി.ഒ സൂരജ്, തനിക്കിതില് പങ്കില്ലെന്നും, അന്ന് പൊതുമരാമത്ത് മന്ത്രിയായിരുന്ന വി.കെ ഇബ്രാഹിം കുഞ്ഞിന്റെ നിര്ദ്ദേശപ്രകാരമാണ് പണം നല്കിയതെന്നും കോടതിയില് സത്യവാങ്ങ് മൂലം നല്കിയിരുന്നു. ഇതിന്റെ അടിസ്ഥാനത്തിലാണ് ഇബ്രാഹിം കുഞ്ഞിനെ പ്രോസിക്യുട്ട് ചെയ്യാന് വിജിലന്സ് ആഭ്യന്തര വകുപ്പിനോട് അനുമതി തേടിയത്.