വില്മിങ്ടണ്: വളര്ത്തുനായയുമായി കളിക്കുന്നതിനിടെ ജോ ബൈഡനു പരിക്ക്. അമേരിക്കന് പ്രസിഡന്റ് തെരഞ്ഞെടുപ്പില് വിജയിച്ച ബൈഡന് തന്റെ വളര്ത്തുനായകളിലൊന്നുമായി കളിക്കുന്നതിനിടെയാണ് വലതുകാലിന് പരിക്കേല്ക്കുന്നത്. ആഴ്ച്ചകളോളം ബൂട്ട് ധരിക്കേണ്ടിവരുമെന്നാണ് അദ്ദേഹത്തിന്റെ ഡോക്ടര്മാരുടെ നിര്ദേശം. ശനിയാഴ്ച്ച പരിക്കേറ്റ ബൈഡന് ഞായറാഴ്ച്ചയാണ് നെവാര്ക്കിലെ ഓര്ത്തോപീഡിസ്റ്റിനെ സന്ദര്ശിക്കുന്നത്.
പ്രാരംഭഘട്ടത്തില് എടുത്ത എക്സ്റേയില് ഒടിവുകളൊന്നും കണ്ടെത്തിയിരുന്നില്ല. എന്നാല് വിശദമായ പരിശോധനയില് വലതുകാലിന്റെ രണ്ടു ചെറിയ അസ്ഥികളില് ഒടിവുകള് കണ്ടെത്തുകയായിരുന്നു. അമേരിക്കന് പ്രസിഡന്റാവുന്ന ഏറ്റവും പ്രായം കൂടിയ വ്യക്തിയാവും ജോ ബൈഡന്. തെരഞ്ഞെടുപ്പ് പ്രചാരണ വേദിയില് തന്റെ പ്രായത്തെക്കുറിച്ചുളള ചോദ്യങ്ങള് ബൈഡന് പലപ്പോഴും തളളിക്കളഞ്ഞിരുന്നു.ബൈഡന് രണ്ട് വളര്ത്തുനായ്ക്കളാണുളളത്. അവയെ വൈറ്റ് ഹൗസിലേക്ക് കൊണ്ടുവരുമെന്നും ഒരു പൂച്ചയെ പുതുതായി വാങ്ങാന് പദ്ധതിയുണ്ടെന്നും ബൈഡന് പറഞ്ഞിരുന്നു.
കഴിഞ്ഞ ഡിസംബറില് പുറത്തുവിട്ട മെഡിക്കല് റിപ്പോര്ട്ടില് തന്റെ കൊളസ്ട്രോള് ആരോഗ്യകരമായ നിലയില് നിലനിര്ത്താനായുളള മരുന്നുകള് കഴിക്കുന്നുണ്ടെന്ന് അദ്ദേഹം വെളിപ്പെടുത്തിയിരുന്നു. അദ്ദേഹം ആരോഗ്യവാനും ഊര്ജ്ജസ്വലനുമാണെന്നും പ്രസിഡന്റിന്റെ ചുമതലകള് വിജയകരമായി നിര്വഹിക്കാന് യോഗ്യനുമാണെന്ന് ഡോക്ടര്മാര് വ്യക്തമാക്കി.
