ബീജിംഗ്: 105 ആപ്പുകള് നിരോധിച്ച് ചൈന. അശ്ലീലചിത്രം, സെക്സ് വര്ക്ക്, ചൂതാട്ടം അക്രമം തുടങ്ങിയവ പ്രചരിപ്പിക്കുന്ന ആപ്പുകള്ക്കെതിരെയാണ് നടപടി സ്വീകരിക്കുന്നതെന്ന് ചൈനീസ് അധികൃതര് വ്യക്തമാക്കി. നിരോധിച്ച മിക്ക ആപ്പുകളും ചൈനയുടേത് തന്നെയാണ് എന്നാല് അമേരിക്കയുടെ ട്രിപ്പ് അഡൈ്വസറും പട്ടികയില് ഉള്പ്പെട്ടിട്ടുണ്ട്.
നിരോധിച്ച ആപ്പുകളെല്ലാം ചൈനയുടെ സൈബര് നിയമങ്ങള് ലംഘിക്കുന്നവയാണെന്ന് സൈബര്സ്പേയ്സ് അഡ്മിനിസ്ട്രഷന് അധികൃതര് പറഞ്ഞു. ചൈനീസ് ആപ്പായ ടിക്ടോക് നിരോധിച്ചുകൊണ്ടുളള യുഎസ് കോടതി ഉത്തരവിനു പിന്നാലെയാണ് ചൈനയുടെ ഈ നടപടി. സുരക്ഷാകാരണങ്ങള് മുന്നിര്ത്തി ചൈനീസ് വീഡിയോ ഷെയറിംഗ് ആപ്പായ ടിക്ടോക് നിരോധിച്ച ട്രംപിന്റെ നടപടിക്കെതിരെ യുഎസ് കോടതി രംഗത്തെത്തിയിരുന്നു.നിരോധിച്ച ആപ്പുകളില് നിയമവിരുദ്ധമായ ഉളളടക്കമുണ്ട് എന്നാണ് ചൈനയുടെ വാദം എന്നാല് യുഎസിന്റെ ട്രിപ്പ് അഡൈ്വസര് നിരോധിച്ചതിന്റെ കാരണം ചൈന വ്യക്തമാക്കിയിട്ടില്ല.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കഴിഞ്ഞ ചില മാസങ്ങളായി ചൈനയും അമേരിക്കയും തമ്മില് രൂക്ഷമായ വ്യാപാര തര്ക്കങ്ങള് നിലനില്ക്കുന്നുണ്ട് അതേസമയം ചൈനയില് ഇന്റര്നെറ്റ് ഉപയോഗത്തിന് നിയന്ത്രണങ്ങളുണ്ട്. അമേരിക്കന് ആപ്പുകളായ ഗൂഗിള്, ഫെയ്ബുക്ക്, ട്വിറ്റര് തുടങ്ങിയ ആപ്പുകളൊന്നും ചൈനയില് ലഭ്യമല്ല.