കാസർകോഡ്: പെട്രോളിന്റെയും ഡീസലിന്റെ വിലവർദ്ധിപ്പിച്ചത് തെരഞ്ഞെടുപ്പിൽ ബിജെപിക്ക് അനുകൂലമാകുമെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രൻ. കാസർകോട് പ്രസ്ക്ലബിൽ മീറ്റ് ദ പ്രസിൽ സംസാരിക്കുകയായിരുന്നു അദ്ദേഹം. രാജസ്ഥാനിലും ബീഹാറിലും തെരഞ്ഞെടുപ്പിൽ ഇതാണ് കണ്ടതെന്ന് സുരേന്ദ്രൻ അഭിപ്രായപ്പെട്ടു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
സിഎം രവീന്ദ്രൻ എന്നാൽ മുഖ്യമന്ത്രിയുടെ രവീന്ദ്രൻ എന്നാണ്. സിഎം രവീന്ദ്രന്റെ പക്കലുള്ള തെളിവുകൾ പുറത്തുവന്നാൽ മുഖ്യമന്ത്രിയും കടകംപള്ളി സുരേന്ദ്രനും കുടുങ്ങുമെന്നും സുരേന്ദ്രൻ പറഞ്ഞു. കടകംപള്ളിയുടെ പല ബിനാമി ഇടപാടുകളും നടത്തുന്നത് രവീന്ദ്രനാണ്.ബിജെപിയാണ് പിണറായി വിജയനെ ഈ തെരഞ്ഞെടുപ്പിൽ നേരിടുന്നത്. യുഡിഎഫ് എന്നാൽ ലീഗും വെൽഫെയർ പാർട്ടിയമായി മാറി. ലീഗിന്റെ അപ്രമാദിത്തമാണ് യുഡിഎഫിൽ നടക്കുന്നത്. കോൺഗ്രസ് ലീഗിന്റെ അടിമകളായി മാറിയെന്നും സുരേന്ദ്രൻ ആരോപിച്ചു.
