ഡല്‍ഹി: ബിജെപി ദേശീയ അധ്യക്ഷന്‍ ജെപി നദ്ദ, സംസ്ഥാന അധ്യക്ഷന്‍ ദിലീപ് ഘോഷ് എന്നിവരുടെ വാഹന വ്യൂഹത്തിന് നേരെയുണ്ടായ അക്രമത്തില്‍ വിശദീകരണം നല്കണമെന്നാവശ്യപ്പെട്ട് പശ്ചിമ ബംഗാള്‍ ചീഫ് സെക്രട്ടറി, സംസ്ഥാന ഡി ജി പി എന്നിവരെ കേന്ദ്ര അഭ്യന്തര വകുപ്പ് വിളിച്ചു വരുത്തുന്നു. തിങ്കളാഴ്ച ഇരുവരോടും ഹാജരായി സംസ്ഥാനത്തിന്റെ ക്രമസമാധാന സ്ഥിതിയെക്കുറിച്ച് വിശദീകരണം നല്‍കാനാണ് ആവശ്യപ്പെട്ടിരിക്കുന്നത്. ബിജെപി നേതാക്കളുടെ വാഹനങ്ങള്‍ക്ക് നേരെയുണ്ടായ അതിക്രമ ശ്രമങ്ങളെക്കുറിച്ച് റിപ്പോര്ട്ട് നല്‍കാന്‍ കേന്ദ്ര അഭ്യന്തര വകുപ്പ് മന്ത്രി അമിത്ഷാ പശ്ചിമ ബംഗാള്‍ സര്‍ക്കാരിനോട്‌ ആവശ്യപ്പെട്ടതായാണ് വാര്‍ത്ത.
ദേശീയ അധ്യക്ഷന്‍ ജെപി നദ്ദയടക്കമുള്ള ബിജെപി നേതാക്കള്‍ക്കെതിരെ നടന്ന അക്രമ സംഭവങ്ങളുമായി ബന്ധപ്പെട്ട് ഈ മാസം 19 ന് കേന്ദ്ര ആഭ്യന്തരമന്ത്രി അമിത്ഷാ പശ്ചിമ ബംഗാള്‍ സന്ദര്‍ശിക്കാനും പരിപാടിയിട്ടിട്ടുണ്ട്. ബിജെപി നേതാക്കളെ ആക്രമിക്കാന്‍ ശ്രമിച്ചതിനു പിന്നില്‍ തൃണമുല്‍ കോണ്‍ഗ്രസ്സാണ് എന്നാണ് ബിജെപി സംസ്ഥാന ഘടകത്തിന്റെ ആരോപണം.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
സംസ്ഥാനത്തിന്റെ ക്രമസമാധാന നില വഷളായെന്ന് കാണിച്ച് നേരത്തെ ഗവര്‍ണര്‍ കേന്ദ്രത്തിനു റിപ്പോര്ട്ട് നല്‍കിയിരുന്നു. പശ്ചിമ ബംഗാളിലെ ക്രമ സമാധാന വഷളായെന്നും ഇത് സംബന്ധിച്ച് റിപ്പോര്ട്ട് നല്‍കണമെന്നുമുള്ള കേന്ദ്ര സര്‍ക്കാരിന്റെ നിര്‍ദ്ദേശ പ്രകാരം പ്രകാരമായിരുന്നു ഇത്. സംസ്ഥാന ഗവര്‍ണര്‍ ജഗദീപ് ധന്‍ഖറോട് നേരത്തെ കേന്ദ്ര സര്‍ക്കാര്‍ ആവശ്യപ്പെട്ടിരുന്നു. ക്രമസമാധാന നില വഷളായി എന്ന മറുപടിയാണ് കേന്ദ്ര ആഭ്യന്തരമന്ത്രി അമിത്ഷാക്ക് ഗവര്‍ണര്‍ അന്ന് മറുപടി നല്‍കിയത്.
