തിരുവനന്തപുരം: നിയമസഭയിലെ വിവിധരം പദ്ധതി ജോലികള്‍ക്ക് ചട്ടങ്ങള്‍ ലംഘിച്ച് ഊരാളുങ്ക്ല്‍ സൊസൈറ്റിക്ക് സ്പീക്കര്‍ പി. ശ്രീരാമകൃഷ്ണന്‍ കരാര്‍ നല്‍കി എന്നാരോപിച്ച് പ്രതിപക്ഷ നേതാവ് രമേശ് ചെന്നിത്തല ഗവര്‍ണര്‍ ആരിഫ് മുഹമ്മദ്‌ ഖാന് കത്ത് നല്‍കി. ഇത് സംബന്ധിച്ച് സമഗ്ര അന്വേഷണം ആവശ്യപ്പെട്ടാണ് കത്ത്.
സ്പീക്കറുടെ പല നടപടികളും അഴിമതിയും ധൂര്‍ത്തും നിറഞ്ഞതാണ്‌. ഇ- നിയമസഭാ പദ്ധതിയിലും ലോകകേരളാ സഭ നടത്തിപ്പുമായി ബന്ധപ്പെട്ട കരാറുകളിലും ഫെസ്റ്റിവല്‍ ഓഫ് ഡെമോക്രസി പരിപാടിയിലും സ്പീക്കര്‍ പി. ശ്രീരാമകൃഷ്ണന്‍ കോടികള്‍ ചട്ട വിരുദ്ധമായി ചിലവഴിച്ചിട്ടുണ്ട്. ഇതേ കുറിച്ചെല്ലാം സമഗ്ര അന്വേഷണം നടത്തണമെന്നാവശ്യപ്പെട്ടാണ് സ്പീക്കര്‍ക്കെതിരെ പ്രതിപക്ഷ നേതാവ് രമേശ് ചെന്നിത്തല ഗവര്‍ണര്‍ ആരിഫ് മുഹമ്മദ്‌ ഖാന് കത്ത് നല്‍കിയിരിക്കുന്നത്.
