ഡല്ഹി: ഡല്ഹി ചേംബര് ഓഫ് കൊമേഴ്സിന്റെ കണക്കനുസരിച്ച് ഇരുപത്തി അയ്യായിരം (25000 ) കോടി രൂപയുടെ നഷ്ടമാണ് കണക്കാക്കിയിരിക്കുന്നത്. വീടുകള്, സ്വകാര്യ വ്യാപാര സ്ഥാപനങ്ങള്, വാഹനങ്ങള്, കെട്ടിടങ്ങള് എന്നിവയുടെ നാശനഷ്ടങ്ങള് കണക്കാക്കിയാണ് ഡല്ഹി ചേംബര് ഓഫ് കൊമേഴ്സ്, കലാപത്തിന്റെ ഭാഗമായി ഉണ്ടായിട്ടുള്ള മൊത്തം സാമ്പത്തിക നഷ്ടം കണക്കാക്കിയിരിക്കുന്നത്.
92-വീടുകള്, 57-വ്യാപര സ്ഥാപനങ്ങള്, ആറു ഗോഡൌണുകള്, 500-ല് പരം വാഹനങ്ങള്, നാലു ഫാക്ടറികള്, 4-ആരാധനാലയങ്ങള് എന്നിങ്ങനെയാണ് നശിപ്പിക്കപ്പെട്ടവയുടെ ഏകദേശ കണക്കുകള്.
അതേസമയം കണക്കാക്കപ്പെട്ട നഷ്ടം ആരുനികത്തും എന്നതിനെ കുറിച്ച് ആര്ക്കും ഇതുവരെ ഒരു ധാരണയുമില്ല. കലാപത്തില് പരിക്കേറ്റവര്ക്ക് വെറും 25000 രൂപയാണ് ഡല്ഹി സര്ക്കാര് പ്രഖ്യാപിച്ചിട്ടുള്ളത്. മരണപ്പെട്ടവരുടെയും വീടും തൊഴിലും നഷ്ടമായവരുടേയും പ്രശ്നങ്ങള് പരിശോധിക്കാന് നിയോഗിക്കപ്പട്ട അമിക്കസ് ക്യൂറി റിപ്പോര്ട്ട് പ്രകാരം, കോടതി എടുക്കുന്ന തീരുമാനമായിരിക്കും ഇതൂ സംബന്ധിച്ച് നിര്ണ്ണായകമാകുക.