തദ്ദേശ സ്ഥാപനങ്ങളിലേക്ക് തെരഞ്ഞെടുക്കപ്പെട്ടവരു ടെ സത്യപ്രതിജ്ഞ ഇന്ന്. രാവിലെ 10 ന് സത്യപ്രതിജ്ഞാ ചടങ്ങ് ആരംഭിക്കും. കോർപ്പറേഷനുകളിൽ 11.30 നാണ് സത്യപ്രതിജ്ഞ. ഗ്രാമ, ബ്ലോക്ക്, ജില്ലാ പഞ്ചായത്ത് അംഗങ്ങളാണ് ആദ്യം സത്യപ്രതിജ്ഞ ചെയ്യുക. അതത് സ്ഥാപനങ്ങളിലെ ഭരണാധികാരികളാണ് സത്യവാചകം ചൊല്ലിക്കൊടുക്കുക. കോർപ്പറേഷനുകളിൽ കളക്ടർമാർക്കാണ് ചുമതല. തെരഞ്ഞെടുക്കപ്പെട്ടവരോട് സത്യപ്രതിജ്ഞക്ക് ഹാജരാകാൻ അതത് തദ്ദേശ സ്ഥാപനങ്ങൾ ആവശ്യപ്പെട്ടിരുന്നു. അംഗങ്ങളുടെ ആദ്യ യോഗം സത്യപ്രതിജ്ഞക്ക് ശേഷം നടക്കും. മുതിർന്ന അംഗത്തിന്റെ അധ്യക്ഷതയിലാണ് യോഗം ചേരുക.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
നഗരസഭകളിലെയും കോർപ്പറേഷനുകളിലേയും അധ്യക്ഷന്മാരുടെ തെരഞ്ഞെടുപ്പ് 28 ന് നടക്കും. രാവിലെ 11 മണിക്കാണ് തെരഞ്ഞെടുപ്പ്. ഉച്ചക്ക് ശേഷം 2 മണിക്ക് ഉപാധ്യക്ഷന്മാരെ തെരഞ്ഞെടുക്കും. ഗ്രാമ, ബ്ലോക്ക്, ജില്ലാ പഞ്ചായത്ത് പ്രസിഡന്റുമാരുടെ തെരഞ്ഞെടുപ്പ് 30 നാണ്. ഉച്ചക്ക് ശേഷം വൈസ് പ്രസിഡന്റ് തെരഞ്ഞെടുപ്പ് നടക്കും.
