കൊല്ക്കത്ത: പ്രചാരണത്തിനിടെ പ്രവര്ത്തകര്ക്കൊപ്പം ഡാന്സ് കളിച്ച് പശ്ചിമബംഗാള് മുഖ്യമന്ത്രി മമതാ ബാനര്ജി. തെരഞ്ഞെടുപ്പ് പ്രചാരണങ്ങള്ക്കിടെ സംഗീതപരിപാടി ഉദ്ഘാടനം ചെയ്യുന്നതിനിടെയാണ് മമതാ ബാനര്ജി തന്റെ പ്രവര്ത്തകരോടൊപ്പം നൃത്തം ചെയ്തത്. പരിപാടിയില് നിരവധി തദ്ദേശീയ ന്യത്ത,സംഗീത കലാകാരന്മാരെ മമത ആദരിച്ചു.
പരിപാടിയില് മുഴുകി നിന്നെങ്കിലും തുടര്ന്നുളള പ്രസംഗത്തില് മമത ബിജെപിയ്ക്കെതിരെ ആഞ്ഞടിച്ചു. ബംഗാളിനെ ഒരിക്കലും മറ്റൊരു ഗുജറാത്താവാന് അനുവദിക്കില്ല, ഗുജറാത്ത് വികസന മാതൃക ബംഗാളില് പ്രയോഗിക്കുമെന്നുളള ബിജെപിയുടെ ആവര്ത്തിച്ചുളള പ്രഖ്യാപനങ്ങള് അംഗീകരിക്കില്ലെന്നും മമത പറഞ്ഞു.
ഇന്ത്യക്ക് ദേശീയ ഗാനവും ദേശീയ ഗീതവും ജയ്ഹിന്ദ് എന്ന മുദ്രാവാക്യവും നല്കിയ നാടാണ് ബംഗാള്. നേതാജിയുടെ ജയ്ഹിന്ദും, ബങ്കിംചന്ദ്രചാറ്റര്ജിയുടെ വന്ദേമാതരവും ടാഗോറിന്റ ദേശീയഗാനവുമെല്ലാം ബംഗാളിന്റെ മണ്ണില് നിന്ന് വന്നവയാണ്. ഒരു ദിവസം ലോകം മുഴുവന് ബംഗാളിനെ പ്രശംസിക്കും. ഒരിക്കലും ബംഗാളിനെ ഗുജറാത്താവാന് അനുവദിക്കില്ലെന്ന് മമത ബാനര്ജി പറഞ്ഞു.
