ചെന്നൈ: നടന് രജനീകാന്ത് ആശുപത്രി വിട്ടു. വെളളിയാഴ്ച്ച നടനെ ഉയര്ന്ന രക്തസമ്മര്ദ്ധം മൂലം ഹൈദരാബാദ് അപ്പോളോ ആശുപത്രിയില് പ്രവേശിപ്പിച്ചിരുന്നു. മെഡിക്കല് റിപ്പോര്ട്ടുകളില് പ്രശ്നങ്ങളൊന്നുമില്ല, രക്തസമ്മര്ദ്ധം സാധാരണഗതിയിലായി, അദ്ദേഹം സുഖം പ്രാപിച്ചുവരുന്നുണ്ടെന്നും ഡോക്ടര്മാര് വ്യക്തമാക്കി. ഒരാഴ്ച്ചത്തേക്ക് പൂര്ണമായ ബെഡ് റെസ്റ്റ് വേണമെന്നാണ് വിദഗ്ദരുടെ നിര്ദേശം.
രജനീകാന്തിന്റെ കൊവിഡ് പരിശോധനാ ഫലം നെഗറ്റീവ് ആയിരുന്നു. താരം വേഗം രോഗമുക്തനാവട്ടെയെന്ന് ആശംസിച്ച് നടന്മാരായ കമല് ഹാസന്, മമ്മൂട്ടി, തമിഴ്നാട് മുഖ്യമന്ത്രി ഇ പളനിസ്വാമി തുടങ്ങി നിരവധി പ്രമുഖരാണ് രംഗത്തെത്തിയത്. രജനീകാന്തിന്റെ രാഷ്ട്രീയ പാര്ട്ടിയുടെ ഔദ്യോഗിക അറിയിപ്പ് നടത്താനിരിക്കെയാണ് അദ്ദേഹത്തിന്റെ ആരോഗ്യം സംബന്ധിച്ച ആശങ്കകള് ഉയര്ന്നത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
തന്റെ അടുത്ത ചിത്രമായ അണ്ണാത്തെയുടെ ഷൂട്ടിംഗിലായിരുന്നു താരം. ചിത്രത്തിന്റെ അണിയറപ്രവര്ത്തകര്ക്ക് കൊവിഡ് ബാധിച്ചതിനെത്തുടര്ന്ന് ചിത്രീകരണം നിര്ത്തി വയ്ക്കുകയായിരുന്നു. രജനീ ആരാധകര് ഏറെ ആകാംക്ഷയോടെ കാത്തിരിക്കുന്ന ചിത്രമായ അണ്ണാത്തെ സംവിധാനം ചെയ്യുന്നത് ശിവയാണ്. നയന്താര,മീന, ഖുശ്ബു, കീര്ത്തി സുരേഷ്, പ്രകാശ് രാജ്, സൂരി, സതീഷ് തുടങ്ങി വന് താരനിരയാണ് അണ്ണാത്തെയില് അണി നിരക്കുന്നത്.