ഈ വർഷം തമിഴ്നാട്ടിൽ നടക്കുന്ന നിയമസഭാ തെരഞ്ഞെടുപ്പിൽ സൂപ്പർ താരം രജനീകാന്തിനോട് സഹായം തേടുമെന്ന് കമൽ ഹാസൻ. ആരോഗ്യപരമായ ആശങ്കകൾ ചൂണ്ടിക്കാട്ടി രാഷ്ട്രീയ പാര്ട്ടി രൂപീകരണത്തില്നിന്നും പിന്മാറിയ രജനീകാന്ത് പിന്തുണ നൽകിയാൽ മക്കള് നീദി മയ്യത്തിന് തമിഴ്നാട്ടില് വലിയ മുന്നേറ്റം നടത്താന് കഴിയുമെന്ന് കമൽ ഹാസൻ പ്രത്യാശ പ്രകടിപ്പിച്ചു.
'ഞാൻ രജനീകാന്തിന്റെ പിന്തുണ തേടും. അദ്ദേഹം എന്റെ സുഹൃത്തുമാണ്. ഇത് സത്യസന്ധതയും അഴിമതിയും തമ്മിലുള്ള പോരാട്ടമാണ്. ജനങ്ങള്ക്ക് വ്യത്യസ്തമായ എന്തെങ്കിലും വാഗ്ദാനം ചെയ്യുന്നവരെ അംഗീകരിക്കാതിരിക്കാന് ആകില്ല' - കമല് ഹാസന് പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
എന്നാല്, സൂപ്പർസ്റ്റാര് രജനിയുടെ രാഷ്ട്രീയ പ്രത്യയശാസ്ത്രവുമായി ഒത്തുപോകാന് കഴിയുമെങ്കില് ഒരു സഖ്യത്തെ കുറിച്ച് ആലോചിക്കാം എന്നായിരുന്നു നേരത്തെ കമല് ഹാസന് പറഞ്ഞിരുന്നത്. എന്നാല് അദ്ദേഹം രാഷ്ട്രീയ പാര്ട്ടി രൂപീകരണത്തില്നിന്നും പിന്മാറിയ പശ്ചാത്തലത്തിലാണ് കമല് ഹാസന് നിലപാട് മയപ്പെടുത്തിയത്.