ഡല്ഹി: മുതിര്ന്ന കോണ്ഗ്രസ് നേതാവും മുന് ഗുജറാത്ത് മുഖ്യമന്ത്രിയുമായിരുന്ന മാധവ് സിംഗ് സോളാങ്കി അന്തരിച്ചു. 93കാരനായ അദ്ദേഹം നരസിംഹറാവു മന്ത്രിസഭയില് വിദേശകാര്യമന്ത്രിയായിരുന്നു. 1976 മുതല് 1990 വരെയുളള കാലയളവില് നാല് തവണ ഗുജറാത്ത് മുഖ്യമന്ത്രിയുമായിരുന്നു.
നരേന്ദ്രമോദി കഴിഞ്ഞാല് ഗുജറാത്തില് ഏറ്റവും കൂടുതല് കാലം മുഖ്യമന്ത്രിയായിരുന്നത് മാധവ് സിംഗ് സോളാങ്കിയാണ്. ഗുജറാത്ത് രാഷ്ട്രീയത്തില് സുപ്രധാന പങ്ക് വഹിച്ചിരുന്ന ശക്തനായ നേതാവായിരുന്നു അദ്ദേഹം. സമൂഹത്തിന് അദ്ദേഹം നല്കിയ സേവനങ്ങളിലൂടെ ജനങ്ങള് എന്നും അദ്ദേഹത്തെ ഓര്ക്കുമെന്നു പ്രധാനമന്ത്രി ട്വീറ്റ് ചെയ്തു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കോണ്ഗ്രസ് നേതാവ് രാഹുല് ഗാന്ധി, ഗുജറാത്ത് കോണ്ഗ്രസ് മേധാവി അമിത് ചാവ്ദ തുടങ്ങി നിരവധി നേതാക്കളും അദ്ദേഹത്തിന് അനുശോചനം രേഖപ്പെടുത്തി.