ഇസ്ലാമാബാദ്: ഭീകര പ്രവര്‍ത്തനങ്ങള്‍ക്ക് ധനസമാഹരണം നടത്തിയ കേസില്‍ ജെയ്ഷെ മുഹമ്മദ്‌ എന്ന തീവ്രവാദ സംഘടനയുടെ തലവന്‍ മസൂദ് അസറിനെ അറസ്റ്റുചെയ്യാന്‍ പാക് കോടതി ഉത്തരവിട്ടു. പാക് പഞ്ചാബിലെ കോടതിയാണ് ഉത്തരവിട്ടിരിക്കുന്നത്. ഇത് സംബന്ധിച്ച് കഴിഞ്ഞ ദിവസം വാറണ്ട് പുറപ്പെടുവിച്ച കോടതി, തുടര്‍ന്ന് ഉത്തരവ് കര്‍ശനമാക്കുകയായിരുന്നു. ഈ മാസം 18 ന് മുന്‍പ് മസൂദ് അസറിനെ അറസ്റ്റുചെയ്ത് കോടതിക്ക് മുന്‍പാകെ ഹാജരാക്കണമെന്നാണ് ഉത്തരവ്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
യുണൈറ്റഡ് നാഷന്‍ ആഗോള ഭീകരന്‍ എന്ന് പ്രഖ്യാപിച്ചയാളാണ് മസൂദ് അസര്‍. ഇയാള്‍ പാകിസ്ഥാനില്‍ തന്നെ ഉണ്ടെന്നതിനുള്ള സ്ഥിരീകരണമാണ് കോടതി ഉത്തരവിലൂടെ ഉണ്ടായിരിക്കുന്നത് എന്ന് പ്രമുഖ മാധ്യമങ്ങള്‍ റിപ്പോര്ട്ട് ചെയ്തു. എന്നാല്‍ മസൂദ് അസറിനെ കുറിച്ച് കാര്യമായ വിവരങ്ങള്‍ ഇല്ല എന്നാണ് അന്താരാഷ്ട്ര തലത്തില്‍ പാകിസ്താന്‍ വാദിച്ചിരുന്നത്.
