വുഹാന്: വുഹാനിലെത്തിയ ലോകാരോഗ്യ സംഘടന അംഗങ്ങള്ക്ക് കൊവിഡ്. രോഗത്തിന്റെ ഉറവിടം കണ്ടെത്താനായി ലോകാരോഗ്യ സംഘടന ചുമതലപ്പെടുത്തിയ ശാസ്ത്രജ്ഞര് ഇന്ന് രാവിലെയാണ് വുഹാനിലെത്തിയത്. പത്തംഗ സംഘത്തിലെ കൊവിഡ് സ്ഥിരീകരിച്ച രണ്ടുപേര് തിരികെ മടങ്ങി. ചൈനയിലേക്ക് വരുന്നതിനു മുന്പ് കൊവിഡ് പരിശോധനയില് നെഗറ്റീവ് ആയവരിലാണ് ഇപ്പോള് രോഗം ബാധിച്ചത്.
2019 അവസാനത്തിലാണ് ചൈനീസ് നഗരമായ വുഹാനിലെ മാര്ക്കറ്റില് കൊവിഡ് സ്ഥിരീകരിക്കുന്നത്. രോഗം പിന്നീട് ലോകം മുഴുവന് വ്യാപിക്കുകയും നിരവധിപ്പേര്ക്ക് ജീവന് നഷ്ടപ്പെടുകയും ചെയ്തു. മഹാമാരി ആഗോള സമ്പദ്വ്യവസ്ഥയെയും സാരമായി ബാധിച്ചു.കര്ശനമായ ലോക്ക്ടൗണും പരിശോധനകളും നടപ്പാക്കിയതിലൂടെ ചൈന വൈറസിനെ നിയന്ത്രണ വിധേയമാക്കിയിരുന്നു. കഴിഞ്ഞ ദിവസം ചൈനയില് ആകെ റിപ്പോര്ട്ട് ചെയ്തത് 138 കേസുകള് മാത്രമാണ്. മെയ് മാസത്തിനു ശേഷം ചൈനയില് ഇതുവരെ കൊവിഡ് ബാധിച്ചുളള മരണങ്ങളൊന്നും റിപ്പോര്ട്ട് ചെയ്തിട്ടില്ല. ചൈനയില് ആകെ 4,635 പേര്ക്കാണ് മഹാമാരി മൂലം ജീവന് നഷ്ടമായത്.വുഹാനിലെത്തിയ ലോകാരോഗ്യ സംഘടന അംഗങ്ങള്ക്ക് കൊവിഡ്