ബെംഗളൂരുവിൽ കമ്പ്യൂട്ടർ ഹാക്കറിൽ നിന്ന് 9 കോടി രൂപ മൂല്യം വരുന്ന ബിറ്റ് കോയിനുകൾ പൊലീസ് പിടിച്ചെടുത്തു. ശ്രീകൃഷണ എന്ന 25 കാരനെയാണ് അറസ്റ്റ് ചെയ്തതെന്ന് ബെംഗളൂരു പൊലീസ് ജോയിന്റ് കമ്മീഷണർ പറഞ്ഞു.ഓൺലൈൻ ഗെയിമിംഗ് പോർട്ടലുകൾ, സർക്കാർ വെബ് സൈറ്റുകൾ എന്നിവ ഹാക്ക് ചെയ്ത കേസിലാണ് ഇയാളെ പൊലീസ് അറസ്റ്റ് ചെയ്തത്. തുടർന്ന് നടത്തിയ അന്വേഷണത്തിലാണ് ബിറ്റ് കോയിനുകൾ ഇയാളിൽ നിന്ന് കണ്ടെടുത്തത്. 3 ബിറ്റ് കോയിന്‍ എക്സ്ചേഞ്ചുകൾ ഹാക്ക് ചെയ്താണ് ഇയാൾ ഇവ നേടിയതെന്ന് പൊലീസ് പറഞ്ഞു.
2014 മുതൽ 2017 വരെ ശ്രീകൃഷ്ണ നെതർലാൻഡിലായിരുന്നു. വിദേശത്തു നിന്നും തിരിച്ചെത്തിയ ശേഷമാണ് ഹാക്കിംഗിലേക്ക് ഇയാൾ തിരി‍ഞ്ഞത്. കർണാക സർക്കാറിന്റെ അടക്കം വെബ്സൈറ്റുകൾ ഇയാൾ ഹാക്ക് ചെയ്തതായി പൊലീസ് കണ്ടെത്തി.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
ഇയാളുടെ സഹായികളെക്കുറിച്ചും പൊലീസ് അന്വേഷിക്കുന്നുണ്ട്. വിദേശത്ത് നിന്ന് ലഭിച്ച സഹായത്തെ കുറിച്ചും അന്വേഷിക്കുന്നുണ്ട്. കഴിഞ്ഞ ആഴ്ച ബിറ്റ് കോയിന്‍ മൂല്യം ചരിത്രത്തിൽ ആദ്യമായി 40000 ഡോളർ പിന്നിട്ടിരുന്നു. ഈ ഘട്ടത്തിലാണ് ഇയാൾ ബിറ്റ് കോയിന്‍ എക്സ്ചേഞ്ചുകൾ ഹാക്ക് ചെയ്തത്.
