ചെന്നൈ: നടനും രാഷ്ട്രീയ പ്രവര്ത്തകനുമായ കമല്ഹാസന് സുഖം പ്രാപിച്ച് വരുന്നതായി ആശുപത്രി അധികൃതര്. കാലില് നടത്തിയ ശസ്ത്രക്രിയയക്കുശേഷം അദ്ദേഹം ശ്രീരാമചന്ദ്ര മെഡിക്കല് സെന്ററില് ചികിത്സയിലാണ്. വലതുകാലിലെ അസ്ഥിയില് നേരിയ അണുബാധയുണ്ടായതിനെത്തുടര്ന്നാണ് കമല്ഹാസന് ശസ്ത്രക്രിയയക്ക് വിധേയനായത്.
കമല് ഹാസന്റെ ശസ്ത്രക്രിയ വിജയകരമായിരുന്നുവെന്ന് അദ്ദേഹത്തിന്റെ മക്കളായ ശ്രുതി ഹാസനും അക്ഷര ഹാസനും സംയുക്തമായി ഇറക്കിയ പ്രസ്താവനയില് അറിയിച്ചു. നാലോ അഞ്ചോ ദിവസങ്ങള്ക്കുളളില് അദ്ദേഹം വീട്ടിലേക്ക് മടങ്ങും. കുറച്ചു ദിവസത്തെ വിശ്രമത്തിനുശേഷം വീണ്ടും പ്രചാരണങ്ങള്ക്കിറങ്ങുമെന്ന് അവര് പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ഡോക്ടര്മാരും ആശുപത്രി മാനേജ്മെന്റും പിതാവിനെ നല്ലതുപോലെ പരിപാലിക്കുന്നുണ്ടെന്നും അദ്ദേഹം വേഗം സുഖം പ്രാപിക്കുമെന്ന് പ്രതീക്ഷിക്കുന്നതായും അവര് വ്യക്തമാക്കി. തമിഴ്നാട്ടില് തെരഞ്ഞെടുപ്പ് പ്രചാരണങ്ങള് ചൂടുപിടിക്കുന്നതിനിടെയാണ് കഴിഞ്ഞ ദിവസം ശസ്ത്രക്രിയയ്ക്കായി ചെറിയ ഇടവേള എടുക്കുകയാണെന്ന് കമല്ഹാസന് അറിയിച്ചത്.