ഡല്ഹി: സമരം അവസാനിപ്പിച്ചാല് ഒരു വര്ഷത്തേക്ക് നിയമം നടപ്പിലാക്കുന്നത് നിര്ത്തിവയ്ക്കാമെന്ന കേന്ദ്രസര്ക്കാര് നിര്ദേശത്തില് കര്ഷകസംഘടനകള് ഇന്ന് തീരുമാനം അറിയിക്കും. ഉച്ചക്ക് രണ്ടിന് ചേരുന്ന സമരസമിതി യോഗത്തിലായിരിക്കും തീരുമാനമെടുക്കുക. കര്ഷകരുമായി നടത്തിയ പത്താംഘട്ട ചര്ച്ചയിലാണ് കേന്ദ്രസര്ക്കാര് പുതിയ നിര്ദേശം മുന്നോട്ട് വച്ചത്.
പത്താംഘട്ട ചര്ച്ചയും പരാജയപ്പെട്ടതോടെ കര്ഷകരുമായി ജനുവരി 22 അടുത്ത യോഗം ചേരുമെന്ന് കേന്ദ്രം അറിയിച്ചു. സമരം അവസാനിപ്പിച്ചാല് നിയമങ്ങളിലെ അപാകതകള് പരിശോധിക്കാന് സമിതിയെ നിയമിക്കാം, സമിതി റിപ്പോര്ട്ട് സമര്പ്പിക്കാന് ഒന്നു മുതല് രണ്ടുവര്ഷം വരെ സമയമെടുക്കും. അതുവരെ നിയമങ്ങള് നടപ്പിലാക്കുന്നത് നിര്ത്തിവയ്ക്കുകയും വിവരം രേഖാമൂലം സുപ്രീംകോടതിയെ അറിയിക്കുകയും ചെയ്യാമെന്നാണ് കേന്ദ്രസര്ക്കാര് മുന്നോട്ട് വയ്ക്കുന്ന ഉപാധി.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കഴിഞ്ഞ നവംബര് 26 മുതല് കേന്ദ്രസര്ക്കാരിന്റെ വിവാദ കാര്ഷിക നിയമങ്ങളില് പ്രതിഷേധിച്ച് കര്ഷക സംഘടനകള് തലസ്ഥാന അതിര്ത്തിയില് പ്രതിഷേധിക്കുകയാണ്. നിയമങ്ങള് റദ്ദാക്കുകയല്ലാതെ മറ്റൊരു ഒത്തുതീര്പ്പിനും കര്ഷകര് ഇതുവരെ തയാറായിരുന്നില്ല.