ആര്.ജെ.ഡി. നേതാവ് ലാലു പ്രസാദ് യാദവിന്റെ ആരോഗ്യ നിലയില് പുരോഗതിയില്ല. ഇന്നലെ വൈകിട്ട് ഡല്ഹിയിലെ ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് പ്രവേശിപ്പിക്കപ്പെട്ട അദ്ദേഹം ഇപ്പോഴും അപകടനില തരണം ചെയ്തിട്ടില്ലെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു.
അഴിമതിക്കേസില് ശിക്ഷിക്കപ്പെട്ട് ജയിലില് കഴിയുന്ന ലാലുവിന് ന്യൂമോണിയ ബാധിച്ചിരുന്നു. ആന്തരികാവയവങ്ങളുടെ പ്രവർത്തനം മന്ദഗതിയിലായാതോടെയാണ് ഇന്നലെ റാഞ്ചിയിലെ ആശുപത്രിയില് പ്രവേശിപ്പിച്ചത്. രോഗം വഷളായതോടെ എയിംസിലേക്ക് മാറ്റുകയായിരുന്നു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
വിവാദമായ കാലിത്തീറ്റ അഴിമതിക്കേസില് കുറ്റക്കാരനാണെന്ന് കണ്ടെത്തിയതിനെ തുടര്ന്ന് 2017 ഡിസംബര് മുതല് ജാര്ഖണ്ഡിലെ ബിര്സാ മുണ്ട ജയിലില് ലാലു ശിക്ഷ അനുഭവിക്കുകയാണ്. അതേസമയം, ലാലുവിന് മികച്ച ചികിത്സ ഉറപ്പാക്കണമെന്ന് ജാര്ഖണ്ഡ് മുഖ്യമന്ത്രി ഹേമന്ത് സോറനോട് ആവശ്യപ്പെടുമെന്ന് മകന് തേജസ്വി യാദവ് പറഞ്ഞു.