വാഷിംഗ്ടണ്‍: ജനിതകമാറ്റം വന്ന കൊവിഡിന്റെ യുകെ വകഭേദം അമേരിക്കയെ സാരമായി ബാധിക്കുമെന്ന് വിദഗ്ദര്‍. മാര്‍ച്ച് അവസാനത്തോടെ അമേരിക്കയില്‍ രോഗം കൂടുതല്‍ പ്രബലമാകുമെന്ന് യുഎസ് നാഷണല്‍ ഇന്‍സ്റ്റിറ്റ്യൂട്ട് ഓഫ് അലര്‍ജി ആന്‍ഡ് ഇന്‍ഫെക്ഷ്യസ് ഡിസീസസ് ഡയറക്ടര്‍ ആന്റണി ഫൗസി പറഞ്ഞു.
യഥാര്‍ത്ഥ വൈറസിനേക്കാള്‍ വ്യാപനശേഷി കൂടുതലുളളതാണ് പുതുതായി കണ്ടെത്തിയ യുകെ, ദക്ഷിണാഫ്രിക്കന്‍ വകഭേദങ്ങള്‍. ദക്ഷിണാഫ്രിക്കന്‍ വകഭേദമാണോ അമേരിക്കയെ ബാധിക്കുകയെന്ന കാര്യം വ്യക്തമായിട്ടില്ലെന്നും അദ്ദേഹം പറഞ്ഞു. കൊവിഡ് യുകെ വകഭേദം നിലവില്‍ യുഎസിന്റെ 28 സംസ്ഥാനങ്ങളിലാണ് സ്ഥിരീകരിച്ചിട്ടുള്ളത്. 315 പേരിലാണ് പുതിയ വകഭേതം കണ്ടെത്തിയത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എഴുപത് ശതമാനത്തിലേറേ വ്യാപനശേഷിയുളള ജനിതകമാറ്റം വന്ന വൈറസ് സെപ്റ്റംബറില്‍ തെക്കുകിഴക്കന്‍ ഇംഗ്ലണ്ടിലാണ് കണ്ടെത്തിയത്. പിന്നീട് യുകെയിലേക്കും യൂറോപ്യന്‍ രാജ്യങ്ങളിലേക്കും വൈറസ് വ്യാപിക്കുകയായിരുന്നു.
