മസ്ക്കറ്റ്: വിദേശ തൊഴിലാളികളുടെ സേവനം അനിവാര്യമായ സാഹചര്യത്തില് താല്ക്കാലിക തൊഴില് പെര്മിറ്റുകള് അനുവദിക്കാന് ഒമാന് തീരുമാനിച്ചു. ഇത് സംബന്ധിച്ച വിജ്ഞാപണം തൊഴില് മന്ത്രി മെഹാദ് സെയ്ദ് പുറത്തിറക്കി.4 മാസം, 6 മാസം, 9 മാസം എന്നിങ്ങനെയുള്ള കാലയളവുകളിലേക്കാണ് വിസ അനുവദിക്കുക.
ഉയര്ന്ന തസ്തികകളിലേക്കും ശരാശരിക്കാര്ക്കും വ്യത്യസ്ത തുകകളാണ് വര്ക്ക് പെര്മിററിനായി നിശ്ചയിച്ചിരിക്കുന്നത്. ഉയര്ന്ന തസ്തികകളിലേക്ക് 4, 6 ,9 മാസക്കാലയളവിലേക്ക് യഥാക്രമം 336, 502, 752 റിയാലുകള് വീതം അടയ്ക്കേണ്ടി വരും. മധ്യ തസ്തികകളിലേക്ക് 4, 6 ,9 മാസക്കാലയളവിലേക്ക് യഥാക്രമം 169, 252, 377 എന്നിങ്ങനെയാണ് അടയ്ക്കേണ്ടി വരിക എന്നും തൊഴില് മന്ത്രാലയം അറിയിച്ചു.
