ഡല്ഹി: ബ്രിട്ടനില് നിന്നുളള യാത്രക്കാര്ക്ക് നിര്ബന്ധിത ക്വാറന്റൈന് ഒഴിവാക്കിയതിനുപിന്നാലെ കൂടുതല് ഇളവുകള് നല്കാനൊരുങ്ങി ഡല്ഹിയിലെ അരവിന്ദ് കേജ്രിവാള് സര്ക്കാര്. ഇനി മുതല് പൊതുപരിപാടികളില് അന്പത് ശതമാനം ആളുകളെ ഉള്പ്പെടുത്താം. മത, സാംസ്കാരിക സമ്മേളനങ്ങളിലും കൂടുതല് ആളുകളെ പങ്കെടുപ്പിക്കാം എന്നാല് ഒരു വേദിയില് ഇരുനൂറില് കൂടുതല് പേരുണ്ടാവരുത്.
വിവാഹങ്ങളിലും ശവസംസ്കാര ചടങ്ങുകളിലും ഇരുനൂറ് പേര്ക്ക് പങ്കെടുക്കാം. തിയറ്ററുകളില് നൂറു ശതമാനം കാണികള്ക്ക് പ്രവേശനം അനുവദിച്ചു, നീന്തല് കുളങ്ങള് സ്റ്റേഡിയങ്ങള് തുടങ്ങിയവയെല്ലാം തുറന്നുപ്രവര്ത്തിക്കാനും ഡല്ഹി സര്ക്കാര് അനുമതി നല്കി.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
നഗരത്തില് കൊവിഡ് വ്യാപനനിരക്ക് കുറയുന്നതിനെത്തുടര്ന്നാണ് പുതിയ നടപടി. 2020 നവംബറില് രോഗബാധ കൂടുതലായ സാഹചര്യത്തില് പൊതുപരിപാടികളില് പങ്കെടുക്കാവുന്നവരുടെ എണ്ണം 50 ആക്കി കുറച്ചിരുന്നു. ഡല്ഹിയില് കഴിഞ്ഞ ദിവസം 140 പുതിയ കേസുകളും നാല് മരണങ്ങളും മാത്രമാണ് റിപ്പോര്ട്ട് ചെയ്തത്. 211 പേര് രോഗമുക്തി നേടുകയും ചെയ്തു.