ഡല്‍ഹി: കര്‍ഷക സമരത്തിന് ജനങ്ങളുടെ പിന്തുണ ആവശ്യപ്പെട്ട് രാകേഷ് ടികായത്ത്. ഹരിയാനയിലെ ജിന്ദ് ജില്ലയില്‍ നടന്ന മഹാപഞ്ചായത്തില്‍ ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. എല്ലാവരും ഐക്യത്തോടെ ഒരുമിച്ച് നില്‍ക്കണമെന്നും കര്‍ഷകര്‍ക്ക് ജനങ്ങളുടെ പിന്തുണ ആവശ്യമാണെന്നും അദ്ദേഹം പറഞ്ഞു.
പരിസ്ഥിതി പ്രവര്‍ത്തക ഗ്രെറ്റ തന്‍ബര്‍ഗും പോപ്പ് ഗായിക റിഹാനയും,കമലാ ഹാരിസിന്റെ സഹോദര പുത്രിയുമെല്ലാം കേന്ദ്രത്തിന്റെ കാര്‍ഷിക നിയമങ്ങള്‍ക്കെതിരെ രംഗത്തെത്തിയത് കര്‍ഷക പ്രക്ഷോഭം ആഗോളതലത്തില്‍ ചര്‍ച്ചക്കിടയാക്കുകയാണ്. നിക്ഷിപ്ത താല്‍പ്പര്യങ്ങളുളള വിദേശ ഗ്രൂപ്പുകള്‍ അവരുടെ അജണ്ടകള്‍ നടപ്പാക്കാന്‍ ശ്രമിക്കുന്നത് നിര്‍ഭാഗ്യകരമാണെന്നാണ് വിദേശകാര്യമന്ത്രാലയം ഈ വിഷയത്തില്‍ പ്രതികരിച്ചത്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
കേന്ദ്രത്തിന്റെ കാര്‍ഷിക നിയമത്തില്‍ പ്രതിഷേധിച്ച് കഴിഞ്ഞ രണ്ടു മാസമായി ഡല്‍ഹി അതിര്‍ത്തികളില്‍ പ്രതിഷേധിക്കുകയാണ് രാജ്യത്തെ കര്‍ഷകര്‍. വിഷയത്തില്‍ കേന്ദ്രസര്‍ക്കാര്‍ ഇതുവരെ കര്‍ഷകര്‍ക്ക് അനുകൂലമായ നിലപാടൊന്നും എടുത്തിട്ടില്ല.
