കോഴിക്കോട്: മുഖ്യമന്ത്രി പിണറായി വിജയനെതിരായി കോണ്‍ഗ്രസ് നേതാവ് കെ. സുധാകരന്‍ എംപി നടത്തിയ അധിക്ഷേപകരമായ പ്രസ്താവന ഒഴിവാക്കേണ്ടതായിരുന്നുവെന്ന് പ്രതിപക്ഷ നേതാവ് രമേശ്‌ ചെന്നിത്തല പറഞ്ഞു. ഐശ്വര്യ കേരളയാത്രയുടെ ഭാഗമായി കോഴിക്കോട്ടെത്തിയ അദ്ദേഹം മാധ്യമ പ്രവര്‍ത്തകരോട് സംസാരിക്കുകയായിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അതേസമയം സുധാകരന്‍ എം പി നടത്തിയ അധിക്ഷേപകരമായ പ്രസ്താവനക്കെതിരെ നടപടിയുണ്ടാകുമോ എന്ന ചോദ്യത്തില്‍ നിന്ന് പ്രതിപക്ഷ നേതാവ് ഒഴിഞ്ഞു മാറി. പിണറായി വിജയന്‍ ചെത്തുകാരന്റെ വീട്ടില്‍ നിന്ന് എങ്ങനെ മുഖ്യമന്ത്രി കസേരയിലെത്തി, അധികാര ദുര്‍വിനിയോഗം നടത്തിയാണോ? തുടങ്ങിയ ജാത്യാധിക്ഷേപകരമായ പരമാര്‍ശങ്ങളാണ് കഴിഞ്ഞ ദിവസം തലശ്ശേരിയില്‍ നടന്ന ഐശ്വര്യയാത്രയുടെ സ്വീകരണ പരിപാടിയില്‍ കെപിസിസി വര്‍ക്കിംഗ് പ്രസിഡന്റ് കൂടിയായ കെ സുധാകരന്‍ എംപി നടത്തിയത്.
