കൊച്ചി: തുടര്ച്ചയായ പത്താം ദിവസവും സംസ്ഥാനത്ത് ഇന്ധന വില കൂടി. പെട്രോളിന് 25 പൈസയും ഡീസലിന് 26 പൈസയുമാണ് വര്ധിച്ചത്. ഡീസലിന് 2 രൂപ 70 പൈസയും പെട്രോളിന് 1 രൂപ 45 പൈസയുമാണ് പത്ത് ദിവസം കൊണ്ട് വര്ധിച്ചത്. കൊച്ചിയില് 88.91 രൂപയാണ് ഒരു ലിറ്റര് പെട്രോളിന് വില. ഡീസലിന് 84 രൂപ 42 പൈസ വര്ധിച്ചു. രാജ്യാന്തര വിപണിയില് അസംസ്കൃത എണ്ണയുടെ വില വര്ധിച്ചതിനാലാണ് ഇന്ധനവില കൂടുന്നത് എന്നാണ് എണ്ണക്കമ്പനികളുടെ ന്യായീകരണം.
രാജ്യാന്തര വിപണിയില് ക്രൂഡ് വില ഉയരുന്നതുകൊണ്ടാണ് ഇന്ധനവിലയും ഉയരുന്നത് എന്നാണ് എണ്ണക്കമ്പനികളുടെ വാദം. എന്നാല്, കഴിഞ്ഞ മാസം അന്താരാഷ്ട്രവിപണിയില് എണ്ണവില കുറഞ്ഞ സാഹചര്യത്തിലും ഇന്ത്യയില് വില കൂടുകയാണ് ഉണ്ടായത്. രാജ്യത്ത് കൊവിഡ് വാക്സിന് വിതരണം ആരംഭിച്ചതോടെ ഉണ്ടായേക്കാവുന്ന സാമ്പത്തിക ബാധ്യത മറികടക്കാന് പെട്രോളിയം ഉത്പന്നങ്ങള്ക്ക് അധിക സെസ് ഈടാക്കാന് കേന്ദ്ര സര്ക്കാര് തീരുമാനിച്ചിട്ടുണ്ട്. അത് പ്രാവര്ത്തികമായാല് വില നൂറു കടക്കും.
പ്രതിമാസം 750 കോടിയിലധികം വരുമാനമാണ് സംസ്ഥാന സർക്കാരിന് ഇന്ധന വിൽപന നികുതിയിൽ നിന്ന് ലഭിക്കുന്നത്. കേരളത്തിൽ പെട്രോളിന് 30 .8 ശതമാനവും ഡീസലിന് 22.76 ശതമാനവുമാണ് വിൽപനനികുതി. ഇന്ധന വിൽപന ജി.എസ്.ടി പരിധിയിലാക്കിയാൽ ജനം രക്ഷപ്പെടും എന്നതാണ് യാഥാർഥ്യം.