ഡല്ഹി: ബിജെപിക്കെതിരെ വീണ്ടും രൂക്ഷവിമര്ശനവുമായി എത്തിയിരിക്കുകയാണ് നടന് സിദ്ധര്ത്ഥ്. 2009-ല് ബിസിനസ്സ് സ്കൂളില് സംസാരിക്കുന്ന വീഡിയോയ്ക്കൊപ്പമാണ് സിദ്ധാര്ത്ഥിന്റെ വിമര്ശനം. തന്റെ പ്രസംഗത്തെക്കുറിച്ചോ വാക്കുകളെക്കുറിച്ചോ ഇതുവരെ ഒരു പരാതി പോലുമില്ലാതിരുന്നത് എന്തുകൊണ്ടാണെന്ന് ചിന്തിച്ചുപോവുകയാണ്. അഭിപ്രായങ്ങള് പറഞ്ഞതിനും ചോദ്യങ്ങള് ചോദിച്ചതിനും ആരും തന്നെ ആക്രമിച്ചിരുന്നില്ല. ഇന്ത്യ മാറി, നമ്മുടെ കണ്ണുകള്ക്കു മുന്നിലാണ് ഈ മാറ്റമെല്ലാം ഉണ്ടാവുന്നത്. ഇതിനെതിരെ നമ്മളെന്താണ് ചെയ്യാന് പോകുന്നത് എന്നായിരുന്നു സിദ്ധാര്ത്ഥിന്റെ ട്വീറ്റ്.
2009-ല് ഇന്ത്യന് സ്കൂള് ഓഫ് ബിസിനസ്സില് 'ജനാധിപത്യ രാജ്യത്ത് മാധ്യമങ്ങളുടെ പങ്ക്' എന്നതിനെക്കുറിച്ചായിരുന്നു സിദ്ധാര്ത്ഥ് സംസാരിച്ചത്. ആക്ടിവിസ്റ്റ് ദിശ രവിയുടെ അറസ്റ്റുള്പ്പെടെയുളള വിഷയങ്ങളില് ബിജെപിയെ രൂക്ഷമായി വിമര്ശിക്കുന്നയാളാണ് സിദ്ധാര്ത്ഥ്. വിവാദ കാര്ഷികനിയമങ്ങള്ക്കെതിരെ ഡല്ഹി അതിര്ത്തികളില് പ്രതിഷേധിക്കുന്ന കര്ഷകരെ അനുകൂലിച്ചുകൊണ്ടുന്ന സിദ്ധാര്ത്ഥിന്റെ ട്വീറ്റുകള് ശ്രദ്ധേയമായിരുന്നു.