ഡല്‍ഹിയില്‍ വന്‍ വാഹന മോഷണ റാക്കറ്റുതന്നെ പ്രവര്‍ത്തിക്കുന്നുണ്ടാണ് വിവരം. ഇപ്പോള്‍ പ്രീമിയം വാഹനങ്ങളോടാണ് മോഷ്ടാക്കള്‍ക്ക് ഏറെ പ്രിയം. കീ പ്രോഗ്രാമറുകൾ, ജി.പി.എസ് ജാമറുകൾ പോലുള്ള അത്യാധുനിക ഉപകരണങ്ങൾ ഉപയോഗിച്ച് നിമിഷങ്ങള്‍ക്കകം വാഹനം മോഷ്ടിച്ചു കടത്തപ്പെടും. അത്തരത്തിലൊരു കഥയാണ് ഡൽഹി സ്വദേശി ജസ്‌രാജ് സിങ്ങിനും പറയാനുള്ളത്.
ഫെബ്രുവരി 9-നാണ് ജസ്‌രാജിന്‍റെ 2017 മോഡല്‍ ജീപ്പ് കോംപസ് മോഷണം പോകുന്നത്. വീടിന്‍റെ മുന്നില്‍ റോഡിനോട്‌ ചേര്‍ന്നു പാര്‍ക്ക് ചെയ്ത വാഹനം രാത്രിയായപ്പോള്‍ ഹ്യുണ്ടായ് ക്രേറ്റയിലെത്തിയ മോഷ്ടാക്കൾ അനായാസം ലോക്കു തുറന്നു കൊണ്ടുപോയി. വാഹനം മോഷ്ടിക്കുന്നതിന്‍റെ സിസിടിവി ദൃശ്യങ്ങൾ സമൂഹമാധ്യമങ്ങളിൽ പങ്കുവെച്ച ജസ്‌രാജ് കണ്ടെത്താൻ സഹായിക്കുന്നവർക്ക് 2 ലക്ഷം രൂപ സമ്മാനം നല്‍കുമെന്ന് പ്രഖ്യാപിച്ചിരിക്കുകയാണ്.
സിസിടിവി ദൃശ്യങ്ങള്‍ കാണാം:
