വാഷിംഗ്ടണ്: കൊവിഡ് വാക്സിനേഷന് എടുത്തവര്ക്ക് മാസ്കില്ലാതെ പുറത്തിറങ്ങാമെന്ന് അമേരിക്ക. മാസ്കില്ലാതെ വീടുകളിലും മറ്റിടങ്ങളിലും ഒത്തുകൂടാമെന്നും യുഎസ് സെന്റര് ഫോര് ഡിസീസ് കണ്ട്രോള് ആന്ഡ് പ്രിവെന്ഷന് അറിയിച്ചു. പൂര്ണമായും പ്രതിരോധ കുത്തിവയ്പ്പെടുത്തവര്ക്ക് വാക്സിന് സ്വീകരിക്കാത്തവരെ സന്ദര്ശിക്കുന്നതിനും മാസ്ക് നിര്ബന്ധമല്ല, വാക്സിനേഷന് എടുത്തവര്ക്ക് കൊവിഡ് പടരാനുളള സാധ്യത വളരെ കുറവാണെന്നും സിഡിസി ഡയറക്ടര് റോച്ചല് വാലന്സ്കി പറഞ്ഞു.
കുത്തിവയ്പ്പ് എടുക്കുന്നവര് കൊവിഡ് രോഗിയുമായി സമ്പര്ക്കം പുലര്ത്തിയാലും ഇനി മുതല് രോഗലക്ഷണങ്ങളില്ലെങ്കില് ക്വാറന്റീനില് പോകേണ്ടെന്നും സി ഡി സി നിര്ദേശങ്ങളില് പറയുന്നു. എന്നാല് പൊതുസ്ഥലങ്ങളില് മാസ്ക് ധരിക്കുന്നതും സാമൂഹിക അകലം പാലിക്കുന്നതും തുടരണമെന്നും സിഡിസി വ്യക്തമാക്കി.
യുഎസില് സ്കൂളുകളും ബിസിനസുകളുമെല്ലാം പുനരാരംഭിക്കാനിരിക്കെയാണ് പുതിയ നിര്ദേശങ്ങള്. പ്രതിദിനം അറുപതിനായിരത്തിലേറേ കേസുകളാണ് ഇപ്പോഴും അമേരിക്കയില് റിപ്പോര്ട്ട് ചെയ്യുന്നത്. അഞ്ചുലക്ഷത്തിലേറെ പേരാണ് അമേരിക്കയില് ഇതുവരെ കൊവിഡ് ബാധിച്ച് മരിച്ചത്.
