വാര്സോ: അടുത്ത വര്ഷം അവസാനത്തോടെ ലോകം സാധാരണ നിലയിലാവുമെന്ന് മൈക്രോസോഫ്റ്റ് സ്ഥാപകന് ബില് ഗേറ്റ്സ്. കൊവിഡ് മഹാമാരി അവിശ്വസനീയമായ ഒരു ദുരന്തമാണ്. കൊവിഡ് വാക്സിനുകള് ലഭ്യമാണെന്നത് മാത്രമാണ് നല്ല കാര്യം. വാക്സിനുകള് ലഭ്യമായതിന് നന്ദി പറയണമെന്നും ബില് ഗേറ്റ്സ് പറഞ്ഞു. ഒരു പോളിഷ് മാധ്യമത്തോട് സംസാരിക്കുകയായിരുന്നു അദ്ദേഹം.
ബില് ഗേറ്റ്സിന്റെ സംഘടന നടത്തുന്ന ജീവകാരുണ്യപ്രവര്ത്തനങ്ങളുടെ ഭാഗമായി 1.75 ബില്ല്യണ് അമേരിക്കന് ഡോളര് ലോകത്തെ കൊവിഡ് പ്രധിരോധ പ്രവര്ത്തനങ്ങള്ക്കായി നല്കിയിരുന്നു.
കൊവിഡിനെ പ്രതിരോധിക്കാനായി ലോകം മുഴുവന് കഷ്ടപ്പെടുമ്പോള് ശാസ്ത്രത്തിലും കണ്ടുപിടുത്തങ്ങളിലും വാക്സിന് നിര്മാണ ശേഷിയിലും ഇന്ത്യയുടെ നേതൃത്വം കാണുന്നതില് വളരെ സന്തോഷമുണ്ടെന്ന് ബില് ഗേറ്റ്സ് അഭിപ്രായപ്പെട്ടിരുന്നു. നേരത്തേ കൊവിഡ് വ്യാപനം തടയുന്നതിനായി ഇന്ത്യ കൈക്കൊളളുന്ന നടപടികളെയും ബില് ഗേറ്റ്സ് പ്രശംസിച്ചിട്ടുണ്ട്.