ഡല്‍ഹി: നെഞ്ചുവേദനയെ തുടര്‍ന്ന് വെള്ളിയാഴ്ച ഡല്‍ഹി സൈനിക ആശുപത്രിയില്‍ പ്രവേശിപ്പിക്കപ്പെട്ട രാഷ്ട്രപതി രാംനാഥ് കോവിന്ദിനെ ചൊവ്വാഴ്ച (30/03/2021) ബൈപ്പാസ് സര്‍ജറിക്ക് വിധേയനാക്കും. ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് ആശുപത്രിയി (എയിംസ്) ലാണ് ശസ്ത്രക്രിയ.
വെള്ളിയാഴ്ച നെഞ്ചുവേദനയെ തുടര്‍ന്ന് ഡല്‍ഹി സൈനിക ആശുപത്രിയില്‍ പ്രവേശിപ്പിച്ച രാഷ്ട്രപതി രാംനാഥ് കോവിന്ദിനെ ഇന്നലെ (ശനി) കൂടുതല്‍ പരിശോധനകള്‍ക്കായി ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സ് ആശുപത്രിയില്‍ പ്രവേശിപ്പിച്ചിരുന്നു. പരിശോധനകള്‍ക്ക് ശേഷമാണ് ബൈപ്പാസ് സര്‍ജറിക്ക് നിര്‍ദ്ദേശിച്ചത്.
അതേസമയം രാഷ്ട്രപതിയുടെ ആരോഗ്യനില തൃപ്തികരമാണെന്ന് ആശുപത്രി മെഡിക്കല്‍ ബുള്ളറ്റിന്‍ വ്യക്തമാക്കി. രാഷ്ട്രപതി രാംനാഥ് കോവിന്ദിന്‍റെ ബന്ധുക്കളുമായി ഉപരാഷ്ട്രപതിയും പ്രധാനമന്ത്രിയും രാഷ്ട്രപതിയുടെ ചര്‍ച്ച നടത്തി. പ്രധിരോധമന്ത്രി രാജ്നാഥ് സിംഗ് രാഷ്ട്രപതിയെ ആശുപത്രിയില്‍ സാന്ദര്‍ശിച്ചു.
