തങ്ങളുടെ ഒരു ബാച്ച് കൊവിഡ് വാക്സിന്‍ ഫലപ്രദമല്ലെന്ന് ജോണ്‍സന്‍ ആന്‍ഡ്‌ ജോണ്‍സന്‍. എത്ര ഡോസ് വാക്സിന്‍ ഉപയോഗപ്രദമല്ലാതായി, തുടര്‍ന്നും ഇത്തരം പ്രശ്നങ്ങള്‍ ഉണ്ടാകാന്‍ സാധ്യതയുണ്ടോ തുടങ്ങിയ കാര്യങ്ങളൊന്നും കമ്പനി വ്യക്തമാക്കിയിട്ടില്ല.
മരുന്ന് ഉത്പാദനത്തിനുപയോഗിക്കുന്ന അസംസ്കൃത വസ്തുവിലാണ് പ്രശ്ഗനം കണ്ടെത്തിയത്. അത് യു.എസ് ഫുഡ്‌ ആന്‍ഡ്‌ ഡ്രഗ്സ് അഡ്മിനിസ്ട്രഷനെ അറിയിക്കുകയും, മരുന്ന് ഉത്പാദനത്തിന് മേല്‍നോട്ടം വഹിക്കാന്‍ കൂടുതല്‍ ആളുകളെ ഏര്‍പ്പെടുത്തുകയും ചെയ്തതായി കമ്പനി അറിയിച്ചു.
മാര്‍ച്ച്‌ മാസത്തിന്‍റെ അവസാനത്തോടെ 20 മില്യണ്‍ ഡോസ് യു.എസ് ഗവണ്മെന്‍റ്റിന് നല്‍കാമെന്നും, മെയ്‌ അവസാനത്തോടെ ഇത് 80 മില്യണ്‍ ഡോസ് ആയി ഉയര്‍ത്താമെന്നും ജോണ്‍സന്‍ ആന്‍ഡ്‌ ജോണ്‍സന്‍ കമ്പനി ഗവണ്മെന്റിനു ഉറപ്പ് നല്‍കിയിരുന്നു. എന്നാല്‍ മരുന്ന് ഉത്പദനത്തിലെ പിഴവ് മൂലം ഇത് നല്കാന്‍ സാധിക്കില്ലെന്നും, ജൂണ്‍ അവസനത്തോടെ 100 മില്യണ്‍ ഡോസ് നല്കാന്‍ സാധിക്കുമെന്നും കമ്പനി ഔദ്യോഗികമായി അറിയിച്ചു.
മെയ്‌ അവസാനത്തോടെ എല്ലാവര്‍ക്കും വാക്സിന്‍ നല്കാന്‍ സാധിക്കുമെന്ന് അമേരിക്കന്‍ പ്രസിഡന്‍റ് ജോ ബൈഡന്‍ അറിയിച്ചു. ഇതിനായി ഫൈസര്‍, മോഡര്‍ന എന്നി കമ്പനി മരുന്നുകള്‍ ഉപയോഗിച്ച് വാക്സിന്‍ വിതരണം ആരംഭിക്കുമെന്നും ബൈഡന്‍ അറിയിച്ചു.
