ഓസ്ലോ: നോര്വേ പ്രധാനമന്ത്രി എര്ണ സോല്ബര്ഗിന് ഒന്നേമുക്കാല് ലക്ഷം രൂപ പിഴയിട്ട് പോലീസ്. സാമുഹിക അകലം ഉള്പ്പടെയുള്ള കൊവിഡ് മാനദണ്ഡങ്ങള് ലംഘിച്ച് പിറന്നാള് ആഘോഷിച്ചതിനാണ് പിഴ ചുമത്തിയിരിക്കുന്നത്.
പ്രധാനമന്ത്രിക്ക് പിഴ ചുമത്തിയതിനാല് ജനങ്ങള്ക്ക് നിയമത്തില് വിശ്വാസം കൂട്ടാന് സഹായിക്കുമെന്ന് പോലീസ് മേധാവി ഒലേ സെയ്വെര് വാര്ത്താ സമ്മേളനത്തില് പറഞ്ഞു. നോര്വയില് കടുത്ത നിയന്ത്രണങ്ങള് ഏര്പ്പെടുത്തി കൊവിഡ് നിയന്ത്രിക്കാന് എര്ണയ്ക്ക് സാധിച്ചിരുന്നു. യൂറോപ്പില് ഏറ്റവും കുറവ് രോഗികളും മരണങ്ങളും റിപ്പോര്ട്ട് ചെയ്ത രാജ്യങ്ങളില് ഒന്നാണ് നോര്വേ.
ആദ്യമായിട്ടാണ് ഒരു രാജ്യത്തിലെ പ്രധാനമന്ത്രിക്ക് ആ രാജ്യം പ്രോട്ടോക്കോള് ലംഘനത്തിന് പിഴ ഈടാക്കുന്നത്. പ്രധാനമന്ത്രിയുടെ 60-ാം പിറന്നാള് ആഘോഷത്തിലാണ് ചട്ടലംഘനം നടന്നത്. 13 പേരെ പങ്കെടുപ്പിച്ചതിനാണ് പിഴ ചുമത്തിയിരിക്കുന്നത്. 10 പേരെ മാത്രമേ ഇത്തരം പരിപാടികളില് പങ്കെടുപ്പിക്കാന് പാടുള്ളുവെന്നാണ് നോര്വിയയിലെ ചട്ടം.