ബംഗുലുരു: കൊറോണ രോഗം മൂലമുള്ള രാജ്യത്തെ ആദ്യ മരണം കര്‍ണാടകയില്‍ നിന്ന് റിപ്പോര്ട്ട് ചെയ്തു. കല്‍ബുര്‍ഗി സ്വദേശി മൊഹമദ്‌ ഹുസൈന്‍ സിദ്ടിഖിയ (76) ണ് മരണപ്പെട്ടത്. ചൊവ്വാഴ്ചയാണ് മരണപ്പെട്ടതെങ്കിലും വ്യാഴാഴ്ച ബാംഗ്ലൂര്‍ മെഡിക്കല്‍ കോളേജില്‍ നടന്ന സ്രവ പരിശോധനയിലാണ് മരണം കൊറോണ മൂലമാണെന്ന് സ്ഥിരീകരിച്ചത്. ഉമ്ര കഴിഞ്ഞ് ഫെബ്രുവരി 29 -നാണ് സിദ്ദിഖി മക്കയിയില്‍ നിന്നു മടങ്ങിയെത്തിയത്. ചുമ ,ശ്വാസ തടസ്സം, തൊണ്ട വേദന തുടങ്ങിയ അസ്വസ്ഥതകളെ തുടര്‍ന്ന് ഈ മാസം 5-നാണ് അദ്ദേഹം കല്‍ബുര്‍ഗി മെഡിക്കല്‍ ഇന്സ്ടിറ്റുട്ടില്‍ ചികിത്സ തേടിയത്.
ഈ മാസം 6-ന് ആശുപത്രിയില്‍ അഡമിറ്റ് ചെയ്ത സിദ്ദിഖിയെ 9-ന് ഹൈദരാബാഡിലെ ആശുപത്രിയിലേക്കു മാറ്റിയിരുന്നു. 11- ന് തിരിച്ച് കല്‍ബുര്‍ഗിയിലേക്ക് മടങ്ങുമ്പോള്‍ യാത്രാ മധ്യേയാണ് മരണം സംഭവിച്ചത്. ഇതേ തുടര്‍ന്ന് കല്‍ബുര്‍ഗി മെഡിക്കല്‍ ഇന്സ്ടിറ്റുട്ടില്‍ ശേഖരിച്ച സ്രവം ബാംഗ്ലൂര്‍ മെഡിക്കല്‍ കോളേജില്‍ പരിശോധനക്ക് അയച്ചു. വ്യാഴാഴ്ച പരിശോധനാ ഫലം പുറത്ത് വന്നപ്പോഴാണ് മരണം കൊറോണ മൂലമാണെന്ന് സ്ഥിരീകരിച്ചത്. ഇതേ തുടര്‍ന്ന് മൊഹമദ്‌ ഹുസൈന്‍ സിദ്ടിഖിയുടെ കുടുംബാംഗങ്ങളും സുഹൃത്തുക്കളുമടക്കം 30 - ലധികം പേരെ കൊറോണ നിരീക്ഷണത്തിലേക്ക് മാറ്റി.
