എണ്ണ കമ്പനികൾ പെട്രോൾ ഡീസൽ വില വീണ്ടും വർധിപ്പിച്ചു. പെട്രോൾ, ഡീസൽ വില യഥാക്രമം ലിറ്ററിന് 26 പൈസയും 30 പൈസയുമാണ് കൂട്ടിയത്. മെയ് മാസത്തിൽ 15 ആം തവണയാണ് വില വർദ്ധിപ്പിക്കുന്നത്. മഹാരാഷ്ട്രയിൽ മിക്ക നഗരങ്ങളിലും പെട്രോൾ വില 100 രൂപ പിന്നിട്ടു. മുംബൈ, നാഗ്പൂർ, കോലാപൂർ, നാസിക്, താനെ, നവി മുംബൈ എന്നിവിടങ്ങളിലാണ് പെട്രോൾ വില 100 കടന്നത്. മുംബൈയിൽ ഡീസലിന് ഒരു ലിറ്ററിന് 92.17 രൂപയായി.
രാജ്യത്ത് ഇന്ധനത്തിന് ഏറ്റവും കൂടിയ വിലയുള്ളത് മധ്യപ്രദേശിലും രാജസ്ഥാനിലുമാണ്. മധ്യപ്രദേശിലെ അനുപൂർ, രേവ ജില്ലകളിൽ പെട്രോൾ വില ലിറ്ററിന് 104 രൂപക്ക് മുകളിലാണ്. രാജസ്ഥാനിലെ ശ്രീ ഗംഗനഗർ ജില്ലയിൽ പെട്രോളിന് ലിറ്ററിന് 104.94 രൂപയും ഡീസലിന് ലിറ്ററിന് 97.79 രൂപയുമാണ് വില. പെട്രോൾ വില ലിറ്ററിന് 100 രൂപ കടന്ന മറ്റ് നഗരങ്ങളുടെ പട്ടികയിൽ ജയ്സാൽമീർ, ബൻസ്വര, ഇൻഡോർ, ഭോപ്പാൽ, ഗ്വാളിയർ, രത്‌നഗിരി, ഔറംഗബാദ്, പർഭാനി എന്നിവയും ഉൾപ്പെടുന്നു.
ദില്ലിയിൽ 26 പൈസ വർധിച്ച് പെട്രോൾ ലിറ്ററിന് 93.94 രൂപയായി, ഡീസലിന് 28 പൈസ ഉയർന്ന് ലിറ്ററിന് 84.89 രൂപ നൽകണം. മറ്റ് മെട്രോ നഗരങ്ങളിലും സമാനമായ രീതിയില്‍ ഇന്ധന വില ഉയർന്നു. ചെന്നൈയിൽ പെട്രോളിനും ഡീസലിനും ലിറ്ററിന് യഥാക്രമം 95.51 രൂപയും 89.65 രൂപയുമാണ് വില. കൊൽക്കത്തയിലെ പെട്രോളിന് 93.97 രൂപയും, ഒരു ലിറ്റർ ഡീസലിന് 87.74 രൂപയും നൽകണം. ബെംഗളൂരുവിൽ പെട്രോൾ, ഡീസൽ എന്നിവയുടെ വില യഥാക്രമം ലിറ്ററിന് 97.07 രൂപയും ലിറ്ററിന് 89.99 രൂപയുമാണ്
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
പ്രധാന നഗരങ്ങളിലെ ഇന്നത്തെ പെട്രോൾ, ഡീസൽ വില
ഡൽഹി ₹ 93.94 ₹ 84.89
മുംബൈ ₹ 100.19 ₹ 92.17
ചെന്നൈ ₹ 95.51 ₹ 89.65
കൊൽക്കത്ത ₹ 93.97 ₹ 87.74
ബംഗളൂരു ₹ 97.07 ₹ 89.99
