ആഗ്ര: ഓക്സിജന് മോക് ഡ്രില് പരീക്ഷണത്തെ തുടര്ന്ന് 22 രോഗികള് മരണപ്പെട്ടു. ഉത്തര്പ്രദേശിലെ പ്രമുഖ സ്വകാര്യ ആശുപത്രിയായ പരാസയിലാണ് സംഭവം. ആശുപത്രിയില് ഓക്സിജന് 'മോക് ഡ്രില്' ഏര്പ്പെടുത്തിയത്തിനാല് കൊവിഡ് രോഗികളടക്കം ഗുരുതരാവസ്ഥയില് ഉണ്ടായിരുന്ന രോഗികള് മരണപ്പെട്ടുവെന്ന ആശുപത്രി ഉടമയുടെ ഓഡിയോയാണ് പുറത്ത് വന്നിരിക്കുന്നത്.
ഓക്സിജന് ക്ഷാമം നേരിട്ടതിനാല് ഏപ്രില് 26 ന് അഞ്ച് മിനുറ്റ് ഓക്സിജന് നല്കാതെ നടത്തിയ പരീക്ഷണത്തിലാണ് 22 രോഗികള് മരണപ്പെട്ടത്. ഓഡിയോ പുറത്ത് വന്നതിന് പിന്നാലെ ഉത്തര്പ്രദേശ് ആരോഗ്യ വകുപ്പ് അന്വേഷണത്തിന് ഉത്തരവിട്ടുണ്ട്.
ഓക്സിജന് ക്ഷാമം ആശുപത്രിയില് നേരിട്ടപ്പോള് രോഗികളെ മറ്റ് ആശുപത്രികളിലേക്ക് മാറ്റുവാന് ബന്ധുക്കളോട് ആവശ്യപ്പെട്ടിരുന്നു. എന്നാല് ആരും തയ്യാറായില്ല. അതിനാല് ഓക്സിജന് അത്യാവശ്യമുള്ളവരെ കണ്ടെത്തുന്നതിനാണ് 5 മിനിറ്റ് നേരത്തേക്ക് ഓക്സിജന് നിര്ത്തി വെച്ചതെന്ന് ഉടമ അരിഞ്ജയ് ജയിന് വീഡിയോയിലൂടെ വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഓക്സിജന് നിര്ത്തി വെച്ച് നടത്തിയ പരീക്ഷണം മനുഷ്യത്വരഹിതമാണെന്ന് പ്രതികരണം ഉയര്ന്നു വന്നിരുന്നു. സംഭവത്തിനെക്കുറിച്ച് കുറിച്ച് പോലീസില് പരാതി ലഭിച്ചിട്ടില്ലെന്നും, ആരോഗ്യ വകുപ്പിന്റെ പ്രാഥമിക അന്വേഷണത്തിന് ശേഷം സമീപിക്കുന്ന പക്ഷം ആവശ്യമായ നടപടി സ്വീകരിക്കുമെന്ന് പോലിസ് ഉദ്യോഗസ്ഥരുടെ പ്രതികരണം.
