ലോകത്തിലെ ഏറ്റവും മികച്ച ഹോട്ടൽ ബ്രാൻഡായി താജ് ഹോട്ടൽസിനെ തെരഞ്ഞെടുത്തു. ലോകത്തെ പ്രമുഖ ബ്രാൻഡ് മൂല്യനിർണ്ണയ കൺസൾട്ടൻസിയായ ബ്രാൻഡ് ഫിനാൻസാണ് താജിനെ തെരഞ്ഞെടുത്തത്. ദക്ഷിണേഷ്യയിലെ ഏറ്റവും വലിയ ഹോസ്പിറ്റാലിറ്റി കമ്പനിയായ ഇന്ത്യൻ ഹോട്ടൽസ് കമ്പനിയുടേതാണ് താജ് ഹോട്ടൽസ്. ലോകത്തെ ഏറ്റവും മൂല്യമുള്ളതും ശക്തവുമായ ബ്രാൻഡ് എന്ന ബ്രാൻഡ് ഫിനാൻസിന്റെ അംഗീകാരമാണ് താജിന് ലഭിച്ചത്.
കോർപ്പറേറ്റ് പ്രശസ്തി, ലോകോത്തര കസ്റ്റമർ സർവീസ് എന്നിവയ്‌ക്കായുള്ള AAA റേറ്റിംഗാണ് താജിന് ലഭിച്ചത്. ബ്രാൻഡ് ദൃഢതാ സൂചികക്ക് 100 ൽ 89.3 മാർക്കും ലഭിച്ചു.
ആഗോള തലത്തിൽ ലഭിച്ച അംഗീകാരം ഇന്ത്യൻ ഹോസ്പിറ്റാലിറ്റി വ്യവസായത്തിന് അഭിമാനമാണെന്ന് ഇന്ത്യൻ ഹോട്ടൽ കമ്പനി മാനേജിംഗ് ഡയറക്ടറും ചീഫ് എക്സിക്യൂട്ടീവ് ഓഫീസറുമായ പുനീത് ചട്വാൾ പറഞ്ഞു. ലോകത്തെ ഏറ്റവും ശക്തമായ ഹോട്ടൽ ബ്രാൻഡായി താജ് തെരഞ്ഞെടുത്തത് ഉപഭോക്താക്കൾ അർപ്പിച്ച വിശ്വാസത്തിന്റെ തെളിവാണെന്നും അദ്ദേഹം അഭിപ്രായപ്പെട്ടു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ലോകത്തിലെ ഏറ്റവും ശക്തമായ ഹോട്ടൽ ബ്രാൻഡായി താജിനെ പ്രഖ്യാപിച്ചതി സന്തുഷ്ടരാണെന്ന് ബ്രാൻഡ് ഫിനാൻസ് സിഇഒ ഡേവിഡ് ഹെയ് പറഞ്ഞു. ഒരു നൂറ്റാണ്ടിന്‍റെ പാരമ്പര്യവും ഇന്ത്യൻ ആതിഥ്യമര്യാദയും പരിപാലിക്കാൻ താജിന് കഴിഞ്ഞതിനുള്ള അംഗീകാരമാണ് ഇതെന്നും ഹെയ് അഭിപ്രായപ്പെട്ടു.
