തിരുവനന്തപുരം: കേരളം വ്യവസായ സൗഹൃദ സംസ്ഥാനമല്ലെന്ന കിറ്റക്സ് എംഡിയുടെ പ്രസ്താവനക്കെതിരെ ആഞ്ഞടിച്ച് മുഖ്യമന്ത്രി പിണറായി വിജയന്. കിറ്റക്സിന്റെത് കേരളത്തെ അപമാനിക്കാനുളള ആസൂത്രിത നീക്കമാണെന്ന് അദ്ദേഹം പറഞ്ഞു. വസ്തുതകള്ക്ക് നിരക്കാത്ത വാദങ്ങളാണ് ഉയര്ന്നുവന്നത്. കേരളം നിക്ഷേപസൗഹൃദമല്ലെന്നതൊക്കെ പണ്ട് പറഞ്ഞുപരത്തിയ കാര്യങ്ങളാണ്. ഇപ്പോള് കേരളത്തെക്കുറിച്ച് അറിയുന്ന എല്ലാവരും കേരളത്തെ നിക്ഷേപസൗഹൃദ സംസ്ഥാനമായാണ് കാണുന്നതെന്നും അദ്ദേഹം കൂട്ടിച്ചേര്ത്തു.
നീതി ആയോഗ് സുസ്ഥിര വികസന സൂചികയില് ഒന്നാമതാണ് കേരളം. വ്യവസായ നേട്ടമാണ് കേരളത്തെ ഒന്നാമതെത്തിച്ചത്. നിയമവും ചട്ടവും പാലിക്കാന് എല്ലാവരും ബാധ്യസ്ഥരാണ്. പരാതികള് വന്നാല് അത് പരിശോധിക്കും. അതിനെ വേട്ടയാടലായി കാണേണ്ട കാര്യമില്ല. ആരെയും വേട്ടയാടാന് സര്ക്കാര് തയാറല്ലെന്നും അദ്ദേഹം പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇത് തന്റെ മാത്രം പ്രശ്നമല്ല മലയാളികളുടെ പ്രശ്നമാണ്. ഇവിടെ പഠിച്ചിറങ്ങുന്ന യുവാക്കളുടെ പ്രശ്നമാണ്. സര്ക്കാരിന്റെ ചിന്താഗതി മാറിയില്ലെങ്കില് കേരളം വലിയ ആപത്തിലേക്ക് പോകും. ഈ നാട്ടില് താന് 35000 കോടി നിക്ഷേപിക്കുന്നുവെന്നുപറഞ്ഞിട്ടും ആരും തിരിഞ്ഞുനോക്കിയില്ല എന്നാല് 9 സംസ്ഥാനങ്ങളില് നിന്നും മുഖ്യമന്ത്രിമാരും വ്യവസായികളും തന്നെ വിളിച്ചു. ലോകം മാറി., നമ്മുടെ അന്യസംസ്ഥാനങ്ങളും മാറി. പക്ഷേ കേരളം ഇന്നും 50 വര്ഷം പുറകിലാണ്' അദ്ദേഹം കൂട്ടിച്ചേര്ത്തു.