ദിലീപ് കുറ്റാരോപിതന് മാത്രമാണ്. കേസ് കോടതിയിലിരിക്കുകയാണ്. കേസ് കോടതിയുടെ പരിഗണനയിലിരിക്കുകയാണ്. ഈ കേസില് തീര്പ്പുണ്ടാകുന്ന നിമിഷം, വിധി വരുന്ന സമയത്ത് ദിലീപ് കുറ്റവാളിയാണെന്ന് തെളിയുകയാണെങ്കില് അന്ന് ദിലീപിന്റെ പേര് ഏറെ വേദനയോടെതന്നെ മനസില്നിന്ന് വെട്ടും.
എന്നാല് അതേ കേസിലെ മുഖ്യസൂത്രധാരനായ പ്രതിപ്പട്ടികയിലുള്ള നടന് ദിലീപിനൊപ്പം ചലചിത്ര അക്കാദമിയുടെ ചെയര്മാന് രഞ്ജിത്ത് തന്നെ വേദി പങ്കിടുന്നതിലൂടെ തെറ്റായ സന്ദേശമാണ് പൊതുസമൂഹത്തിന് നല്കുന്നത്. ദിലീപുമായി വേദി പങ്കിടുന്ന സാഹചര്യം അക്കാദമി ചെയര്മാന് ഒഴിവാക്കേണ്ടതായിരുന്നു' - എഐവൈഎഫ് സംസ്ഥാന എക്സിക്യൂട്ടീവ് പുറത്തിറക്കിയ പ്രസ്താവനയില് പറഞ്ഞു.
ഇതിനുപുറമേ സവര്ണ്ണ, ഫ്യൂഡല് ഭാവുകത്വത്തെയും അധികാരത്തെയും താലോലിക്കുകയും മുന്നോട്ടു വെയ്ക്കുകയും ചെയ്യുന്നതരത്തില് നിരവധി സിനിമകള്ക്ക് തിരക്കഥയൊരുക്കിയ രഞ്ജിത്തിന്റെ കാര്യത്തില് സിപിഎമ്മിനോട് ചേര്ന്ന് നില്ക്കുന്ന ഒരു വിഭാഗം സംസ്കാരിക പ്രവര്ത്തകര്ക്ക് താത്പര്യം കുറവാണ്.