കാബൂള്‍: താലിബാനെതിരെ അള്ളാഹു അക്ബര്‍ വിളിച്ച് പ്രതിഷേധിക്കുകയാണ് അഫ്ഗാനിസ്ഥാന്‍ ജനത. അഫ്ഗാന്‍ നഗരങ്ങളിലെ തെരുവുകളിലും വീടുകളിലും വൈകുന്നേരമായാല്‍ അള്ളാഹു അക്ബര്‍ എന്ന വിളിയാണ് മുഴങ്ങുന്നത്. അഫ്ഗാന്‍ സൈന്യത്തിനും സര്‍ക്കാരിനും പിന്തുണ പ്രഖ്യാപിച്ചാണ് ജനങ്ങള്‍ തെരുവുകളില്‍ അളളാഹു അക്ബര്‍ വിളിക്കുന്നത്. അഫ്ഗാനിലെ പ്രതിരോധ മന്ത്രി ബിസ്മില്ലാ ഖാന്‍ മൊഹമ്മദിയുടെ വീടിനുസമീപം തീവ്രവാദികളുടെ ആക്രമണമുണ്ടായതിനുപിന്നാലെയാണ് താലിബാനെതിരായ അഫ്ഗാനിസ്ഥാനികളുടെ അളളാഹു അക്ബര്‍ വിളി മാധ്യമ ശ്രദ്ധയാകര്‍ഷിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഇതാദ്യമായല്ല അഫ്ഗാന്‍ തെരുവുകളില്‍ അളളാഹു അക്ബര്‍ വിളി മുഴങ്ങുന്നത്. 1980-കളില്‍ സോവിയറ്റ് യൂണിയന്‍ അഫ്ഗാനിസ്ഥാന്‍ പിടിച്ചടക്കിയപ്പോള്‍ സോവിയറ്റ് യൂണിയനും സര്‍ക്കാരിനുമെതിരെയും ജനങ്ങള്‍ അളളാഹു അക്ബര്‍ വിളിച്ച് പ്രതിഷേധിച്ചിരുന്നു.
പണ്ട് കമ്മ്യൂണിസ്റ്റ് ഭരണകൂടത്തിനും സൈന്യത്തിനുമെതിരായാണ് ഞങ്ങള്‍ അളളാഹു അക്ബര്‍ വിളിച്ചത്. ഇന്ന് ഞങ്ങളുടെ അഫ്ഗാന്‍ ദേശീയ സുരക്ഷാ സേനയ്ക്കും സര്‍ക്കാരിനും ഐക്യദാര്‍ഢ്യം പ്രഖ്യാപിച്ച് താലിബാനെതിരായായാണ് ഈ വിളി അഫ്ഗാനിസ്ഥാനില്‍ മുഴങ്ങുന്നത് എന്ന് അഫ്ഗാന്‍ ജനത പറയുന്നു.
