കാബൂള്‍: അഫ്ഗാനിസ്ഥാനില്‍ കൊവിഡ് വാക്‌സിന്‍ നിരോധിച്ച് താലിബാന്‍. കിഴക്കന്‍ അഫ്ഗാനിസ്ഥാനിലെ പാക്ത്യയിലാണ് താലിബാന്‍ കൊവിഡ് വാക്‌സിനേഷന്‍ നിരോധിച്ചത്. പാക്ത്യയിലെ റീജിയനല്‍ ഓഫീസില്‍ താലിബാന്‍ ഇതുസംബന്ധിച്ച് നോട്ടീസ് പതിപ്പിച്ചതായി അഫ്ഗാനിലെ മാധ്യമങ്ങളാണ് റിപ്പോര്ട്ട് ചെയ്തത്. കഴിഞ്ഞ ആഴ്ച്ചയാണ് താലിബാന്‍ ഈ പ്രദേശം പിടിച്ചടക്കിയത്. സോവിയറ്റ്- അഫ്ഗാന്‍ യുദ്ധകാലത്തെ സൈനിക കമാന്‍ഡര്‍ മാര്‍ഷല്‍ അബ്ദുള്‍ റാഷിദ് ദോസത്മന്റെ ഷെബര്‍ഗാനിലെ താലിബാന്‍ നേതാക്കള്‍ തമ്പടിച്ചിരിക്കുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്.
അഫ്ഗാനിസ്ഥാന്റെ 65 ശതമാനവും താലിബാന്‍ പിടിച്ചടക്കിക്കഴിഞ്ഞു. അമേരിക്ക അഫ്ഗാനിസ്ഥാനില്‍ നിന്ന് യുഎസ് സേനയെ പിന്‍വലിക്കുകയാണെന്ന് പ്രഖ്യാപിച്ചതിനുശേഷമാണ് അഫ്ഗാനിസ്ഥാനിലെ സ്ഥിതിഗതികള്‍ കൂടുതല്‍ വഷളായത്. കഴിഞ്ഞ ദിവസം അഫ്ഗാനിസ്ഥാനില്‍ താലിബാന്‍ സ്ത്രീകളെ നിര്‍ബന്ധിച്ച് വിവാഹം ചെയ്യിപ്പിക്കുന്നതായി റിപ്പോര്ട്ട് പുറത്തുവന്നിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അവിവാഹിതരായ സ്ത്രീകളെയാണ് താലിബാന്‍ തീവ്രവാദികള്‍ ബലമായി വിവാഹം കഴിപ്പിക്കുന്നത്. ദി വാള്‍ സ്ട്രീറ്റ് ജേണലാണ് ഇതുസംബന്ധിച്ച് വിവരം പുറത്തുവിട്ടത്. താലിബാന്‍ പിടിച്ചടക്കുന്ന പ്രദേശങ്ങളിലുളള അഫ്ഗാന്‍ സൈനികരെ വധിക്കുന്നതായും അവിടെയുളള സാധാരണക്കാരെ ആക്രമിക്കുന്നതായും റിപ്പോര്‍ട്ടില്‍ പറയുന്നു.
