കാബൂള്‍: രാജ്യം വിട്ടതിനുപിന്നാലെ ആദ്യ പ്രതികരണവുമായി മുന്‍ അഫ്ഗാന്‍ പ്രസിഡന്റ് അഷ്‌റഫ് ഗനി. താലിബാന്‍ അഫ്ഗാനിസ്ഥാന്‍ പിടിച്ചടക്കിയതിനുപിന്നാലെയാണ് അഷ്‌റഫ് ഗനി നാടുവിട്ടത്. അഷ്‌റഫ് ഗനി കുടുംബത്തോടൊപ്പം യുഎഇയിലുണ്ടെന്ന് സ്ഥിരീകരിച്ചതിനുപിന്നാലെയാണ് വീഡിയോ സന്ദേശം പുറത്തുവന്നിരിക്കുന്നത്. താന്‍ രാജ്യം വിട്ടത് രാജ്യത്ത് രക്തച്ചൊരിച്ചിലുണ്ടാവാതിരിക്കാനാണെന്ന് അദ്ദേഹം പറഞ്ഞു.
വലിയൊരു തുക കൊട്ടാരത്തില്‍ നിന്ന് പോകുമ്പോള്‍ കൊണ്ടുപോയെന്ന ആരോപണവും പ്രസിഡന്റ് നിഷേധിച്ചു. ഫേസ്ബുക്കിലൂടെ പുറത്തുവിട്ട വീഡിയോയിലാണ് അദ്ദേഹം ഇക്കാര്യം വ്യക്തമാക്കിയത്. താന്‍ പണവുമായി രാജ്യം വിട്ടെന്ന ആരോപണം തന്നെ വ്യക്തിഹത്യ ചെയ്യാനാണ്. കാബൂളില്‍ തുടര്‍ന്നിരുന്നെങ്കില്‍ വീണ്ടുമൊരു അഫ്ഗാന്‍ പ്രസിഡന്റിനെ തൂക്കിക്കൊല്ലുന്നതിന് ജനം സാക്ഷ്യം വഹിക്കേണ്ടിവന്നേനേ എന്നും അഷ്‌റഫ് ഗനി പറഞ്ഞു.
യുഎഇ ഭരണകൂടം തന്നെയാണ് അഷ്‌റഫ് ഗനി രാജ്യത്തുണ്ടെന്ന് സ്ഥിരീകരിച്ചത്. മാനുഷിക പരിഗണന നല്‍കിയാണ് ഗനിക്കും കുടുംബത്തിനും അഭയം നല്‍കിയതെന്ന് യുഎഇ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
