കാബൂള് : ഇന്ത്യയുമായുള്ള വ്യാപാരബന്ധം അവസാനിപ്പിച്ച് താലിബാന്. കഴിഞ്ഞ ദിവസം അഫ്ഗാനിസ്ഥാന് താലിബാന് തീവ്രവാദികള് കീഴടക്കിയിരുന്നു. ഇതിന്റെ ഭാഗമായാണ് ഇന്ത്യയുമായുള്ള വ്യാപാരബന്ധം താലിബാന് അവസാനിപ്പിച്ചത്. ഫെഡറേഷൻ ഓഫ് ഇന്ത്യൻ എക്സ്പോർട്ട് ഓർഗനൈസേഷൻ ഡയറക്ടർ ജനറൽ ഡോ. അജയ് സഹായിയാണ് ഇക്കാര്യം ഔദ്യോഗികമായി സ്ഥിരീകരിച്ചത്.
അഫ്ഗാനിസ്ഥാനില് നിന്നുള്ള ചരക്ക് നീക്കം പാകിസ്താനിലെ ട്രാൻസിറ്റ് റൂട്ടിലൂടെയാണ് നടത്തിയിരുന്നത്. ഇതാണ് താലിബാന് തടഞ്ഞിരിക്കുന്നത്. കയറ്റുമതിയും, ഇറക്കുമതിയും രാജ്യം നിര്ത്തി വെച്ചിരിക്കുകയാണ്. അതോടൊപ്പം അഫ്ഗാനിസ്ഥാനിലെ സംഭവവികാസങ്ങള് സൂക്ഷ്മമായി നിരീക്ഷിച്ചുവരികയാണെന്നും അജയ് സഹായ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ത്യയ്ക്ക് അഫ്ഗാനിസ്ഥാനുമായി ദീർഘകാല ബന്ധമാണുള്ളത്. പ്രത്യേകിച്ച് വ്യാപാരത്തിൽ. അഫ്ഗാനിസ്ഥാനിൽ ഇന്ത്യയ്ക്ക് വലിയ നിക്ഷേപമുണ്ട്. കച്ചവടത്തിനു പുറമേ, അഫ്ഗാനിസ്ഥാനില് ഇന്ത്യയ്ക്ക് നിരവധി നിക്ഷേപമുണ്ട്. അതോടൊപ്പം 400 -ഓളം പദ്ധതികളുമുണ്ട്. അവയില് ചിലത് ഇപ്പോഴുമുണ്ടെന്നും അജയ് സഹായ് പറഞ്ഞു.
