ഇസ്ലാമാബാദ്: ഇന്ത്യയെ നേരിടാനായി പാക്കിസ്ഥാനാണ് താലിബാന് രൂപം നല്‍കിയതെന്ന് മുന്‍ അഫ്ഗാന്‍ വിദേശകാര്യമന്ത്രി. മുന്‍ പാക് പ്രസിഡന്റ് പര്‍വേസ് മുഷറഫിനെ ഉദ്ധരിച്ചാണ് യുഎന്നിലെയും ഓസ്‌ട്രേലിയയിലെയും അഫ്ഗാന്‍ അംബാസിഡറുമായിരുന്ന മഹ്മൂദ് സൈകല്‍ പ്രതികരിച്ചത്. ഇന്ത്യയില്‍ നിന്നുളള ആക്രമണത്തെ പ്രതിരോധിക്കാനായി പാക്കിസ്ഥാന്‍ ഉണ്ടാക്കിയ സംഘടനയാണ് താലിബാനെന്ന് പര്‍വേസ് മുഷറഫ് പറഞ്ഞിരുന്നു. ഇമ്രാന്‍ ഖാനാവട്ടെ, അടിമച്ചങ്ങല പൊട്ടിച്ചെറിഞ്ഞവരുടെ കൂട്ടമായാണ് താലിബാനെ കാണുന്നത് എന്നും അദ്ദേഹം ട്വീറ്റ് ചെയ്തു.
റിപ്പോര്‍ട്ടുകള്‍ പ്രകാരം അഫ്ഗാനിലെയും പാക്കിസ്ഥാനിലെയും പൗരന്മാരും അല്‍ഖ്വയ്ദയിലെ ഒരു കൂട്ടം നേതാക്കളും കൂടിച്ചേര്‍ന്ന തീവ്രവാദ സംഘടനായാണ് ഐ എസ് ഖൊറാസന്‍ എന്നും അദ്ദേഹം അഭിപ്രായപ്പെട്ടു. കാബൂള്‍ വിമാനത്താവളത്തില്‍ സ്ഫോടനം നടത്തിയതിന്റെ ഉത്തരവാദിത്വം താലിബാന്റെ സായുധ ശത്രു എന്ന് വിശേഷിപ്പിക്കാവുന്ന ഐ എസ് ഖൊറാസന്‍ ഏറ്റെടുത്തിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ആറുവര്‍ഷം മുന്‍പ്, 2015 -ല്‍ കിഴക്കന്‍ അഫ്ഗാനിസ്ഥാനിലെ നങ്കര്‍ഹാര്‍ പ്രവിശ്യയില്‍ രൂപീകരിക്കപ്പെട്ട ഐ എസ് ഖൊറാസന്‍ ഐഎസ്ഐഎസില്‍ നിന്ന് വിഘടിച്ചുണ്ടായ തീവ്രവാദി ഗ്രൂപ്പാണ്. ശക്തമായ അമേരിക്കന്‍ വിരുദ്ധ വികാരം പുലര്‍ത്തുന്ന ഈ വിഭാഗം തങ്ങളുടെ മേഖലയുടെ വിപുലീകരണവും ലക്ഷ്യം വെക്കുന്നുണ്ട്. അഫ്ഗാനിന് പുറമെ ഇറാഖ്, സിറിയ എന്നീ രാജ്യങ്ങള്‍ കൂടി ഉള്‍ക്കൊള്ളുന്നതാണ് ഇവരുടെ പ്രവര്‍ത്തന മേഖല.
