കാബൂള്‍: അഫ്ഗാനിസ്ഥാനിലെ സാഹചര്യം സമാധാനപരമാണെന്ന് പ്രചരിപ്പിക്കാന്‍ മാധ്യമങ്ങളെ ഭീഷണിപ്പെടുത്തി താലിബാന്‍ തീവ്രവാദികള്‍. താലിബാന്‍ ഒരു ചാനലിന്റെ ഓഫീസില്‍ കയറി 'ഇവിടെ ഒരു പ്രശ്‌നവുമില്ല ആരും പേടിക്കേണ്ടതില്ല' എന്ന് തോക്കുചൂണ്ടി പറയിപ്പിക്കുന്ന വീഡിയോ ഇപ്പോള്‍ സാമൂഹിക മാധ്യമങ്ങളില്‍ വൈറലാണ്. ഇറാനിയന്‍ മാധ്യമപ്രവര്‍ത്തക മസിഹ് അലിനെജാദാണ് വീഡിയോ ട്വിറ്ററില്‍ പങ്കുവെച്ചത്. താലിബാന്‍ തീവ്രവാദികള്‍ അവതാരകനുപിന്നില്‍ തോക്കുചൂണ്ടിനില്‍ക്കുന്നതും പേടിച്ചരണ്ട അവതാരകന്‍ രാജ്യത്ത് ഭയപ്പെടേണ്ട സാഹചര്യമില്ലെന്ന് പറയുന്നതും വീഡിയോയില്‍ കാണാം.
അഫ്ഗാനിസ്ഥാന്‍ പിടിച്ചടക്കിയതിനുപിന്നാലെ താലിബാന്‍ മാധ്യമങ്ങള്‍ക്ക് സ്വാതന്ത്ര്യം നല്‍കുമെന്ന് പ്രഖ്യാപിച്ചിരുന്നു. എന്നാല്‍ കഴിഞ്ഞ ദിവസം താലിബാന്‍ കാബൂളില്‍ ടോളോ ന്യൂസ് റിപ്പോര്‍ട്ടറെയും ക്യാമറാമാനെയും ആക്രമിക്കുകയും ക്യാമറ തല്ലിപ്പൊട്ടിക്കുകയും ചെയ്തിരുന്നു. കാബൂളിലും നങ്കര്‍ഹാര്‍ പ്രവിശ്യയിലെ ജലാലാബാദിലും മാധ്യമപ്രവര്‍ത്തകര്‍ക്കുനേരേ ആക്രമണമുണ്ടായതായി റിപ്പോര്‍ട്ടുകള്‍ പുറത്തുവന്നിരുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അഫ്ഗാനിസ്ഥാന്‍ പിടിച്ചടക്കിയ ആദ്യ ആഴ്ച്ചയില്‍ തന്നെ അഫ്ഗാനിലെ മാധ്യമപ്രവര്‍ത്തകരുടെയും അവരുടെ ബന്ധുക്കളുടെയും വീടുകള്‍ താലിബാന്‍ റെയ്ഡ് ചെയ്ത് നിരവധിപേരേ വധിച്ചതായും റിപ്പോര്‍ട്ടുകളുണ്ടായിരുന്നു.
