കാബൂള്: അഫ്ഗാനിസ്ഥാനിലെ ഇന്ത്യന് എംബസി തുറന്ന് പ്രവര്ത്തിക്കണമെന്ന് താലിബാന്. ഇന്ത്യയുടെ നിര്മ്മാണ പ്രവര്ത്തനങ്ങള് പുനരാരംഭിക്കുവാനും താലിബാന് നിര്ദ്ദേശം നല്കിയിട്ടുണ്ട്. ഇതിനിടെ ഐഎസില് ചേര്ന്ന ഇന്ത്യന് പൗരന്മാരെ കേന്ദ്ര സര്ക്കാരിന്റെ അനുമതിയില്ലാതെ രാജ്യത്തേക്ക് തിരിച്ചെത്തിക്കാനുള്ള ശ്രമങ്ങള് നടക്കുന്നതായും റിപ്പോര്ട്ടുകള് പുറത്ത് വരുന്നുണ്ട്. ഇതിന്റെ ഭാഗമായി 43 വിമാനത്താവളങ്ങള്ക്ക് കേന്ദ്ര സര്ക്കാര് ജാഗത്ര നിര്ദ്ദേശം നല്കിയിട്ടുണ്ട്.
ദോഹയിൽ നടന്ന ചർച്ചയ്ക്ക് പിന്നാലെയാണ് കാബൂളിലെ ഇന്ത്യൻ എംബസി തുറക്കണമെന്ന് താലിബാൻ ആവശ്യപ്പെട്ടത്. ഉദ്യോഗസ്ഥരെ തിരിച്ചെത്തിച്ചാൽ എല്ലാ സുരക്ഷയും ഉറപ്പാക്കാമെന്നും താലിബാൻ ഉറപ്പ് നല്കിയിട്ടുണ്ട്. അഫ്ഗാനിസ്ഥാനിൽ പാർലമെൻ്റും സൽമ ഡാമും നിർമ്മിച്ച ഇന്ത്യ റോഡ് നിർമ്മാണത്തിലും പങ്കാളിയാണ്. അതിനാല് നിര്മ്മാണപ്രവര്ത്തനങ്ങള് തുടരണമെന്നും താലിബാന് തീവ്രവാദികള് ആവശ്യപ്പെട്ടിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അഫ്ഗാനിസ്ഥാനിലെ ഇന്ത്യന് എംബസിക്ക് സുരക്ഷ ഉറപ്പുരുത്തുമെന്ന് താലിബാന് നേതൃത്വം കേന്ദ്ര സര്ക്കാരിനെ നേരത്തെ അറിയിച്ചിരുന്നു. ഇന്ത്യന് നയതന്ത്ര ഉദ്യോഗസ്ഥരെ ഒഴിപ്പിക്കേണ്ടതില്ലെന്നും താലിബാന് തീവ്രവാദികള് ഇന്ത്യക്കയച്ച കത്തില് വ്യക്തമാക്കിയിരുന്നു. എന്നാല് താലിബാന് കാബൂള് പിടിച്ചതിനുതൊട്ടുപിന്നാലെ സുരക്ഷ മുന്നിര്ത്തി, വ്യോമസേനയുടെ പ്രത്യേക വിമാനങ്ങളില് നയതന്ത്ര ഉദ്യോഗസ്ഥരെ ഇന്ത്യ നാട്ടിലെത്തിച്ചിരുന്നു. ഈ സാഹചര്യത്തിലാണ് താലിബാന് നേതൃത്വം കേന്ദ്ര സര്ക്കാരിന് സന്ദേശമയച്ചത്.