കാബൂള്: കഴിഞ്ഞ 20 വര്ഷത്തിനിടെ പഠിച്ചിറങ്ങിയവരെ കൊണ്ട് രാജ്യത്തിന് ഉപയോഗമില്ലെന്നും, ആധുനിക വിദ്യാഭ്യാസം ഗുണകരമല്ലെന്നും താലിബാന് സര്ക്കാര് അവകാശപ്പെട്ടു. കാബൂളില് ചേര്ന്ന സര്വകലാശാല അധ്യാപകരുടെ യോഗത്തിലാണ് ഇടക്കാല ഉന്നത വിദ്യാഭ്യാസ മന്ത്രി അബ്ദുള് ബാക്വി ഹഖാനിയാണ് ഇക്കാര്യം പറഞ്ഞത്.
മതപഠനം പൂര്ത്തിയാക്കിയവരുമായി ബിരുദം നേടിയവരെ താരതമ്യപ്പെടുത്തുമ്പോള് രാജ്യത്തിനു ഉപകാരപ്പെടുന്ന രീതിയില് അവര്ക്ക് സംഭവാനകള് നല്കാന് സാധിക്കുന്നില്ല. ആധുനിക വിദ്യാഭ്യാസ രീതി അപ്രധാനമാണെന്നാണ് ഇതില് നിന്നും വ്യക്തമാകുന്നത്. അഫ്ഗാന്റെ പുരോഗമനങ്ങള്ക്ക് സംഭാവന നല്കുന്നത് മതപഠനം നടത്തിയവരാണ്. അതിനാല് ഇത്തരം മൂല്യങ്ങള് വിദ്യാര്ഥികള്ക്ക് പകര്ന്നു നല്കാന് കഴിവുന്ന അധ്യാപകരെ സര്വകലാശാലകള് നിയമിക്കണം. - അബ്ദുള് ബാക്വി ഹഖാനി പറഞ്ഞു.
അമേരിക്കയുടെ പിന്തുണയോടെ ഹമീര് കര്സായിയും അഷ്റഫ് ഗനിയും അഫ്ഗാന് ഭരിച്ചിരുന്ന കാലത്താണ് അഫ്ഗാനിസ്ഥാന് വിദ്യാഭ്യാസപരമായി ഉന്നതിയിലെത്തിത്. ഇതിനെതിരെയാണ് അബ്ദുള് ബാക്വി ഹഖാനിയുടെ പ്രസ്താവന.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
താലിബാന് അധികാരം പിടിച്ചെടുത്തതിനു പിന്നാലെ അഫ്ഗാനിസ്ഥാനില് പെണ്കുട്ടികള്ക്ക് ഹൈസ്ക്കൂള് വിദ്യാഭ്യാസം നിഷേധിച്ചിരുന്നു. ആണ്കുട്ടികള്ക്കു മാത്രമായാണ് സര്ക്കാര് സ്കൂളുകള് തുറന്നത്. ഏഴ് മുതല് പന്ത്രണ്ടാം ക്ലാസുവരെയുള്ള കുട്ടികള്ക്കാണ് ക്ലാസുകള് ആരംഭിച്ചത്. എല്ലാ പുരുഷ അധ്യാപകരും ആണ്കുട്ടികളായ വിദ്യാര്ഥികളും വിദ്യാലയങ്ങളില് എത്തണമെന്നാണ് വിദ്യാഭ്യാസ വകുപ്പ് പുറത്തിറക്കിയ ഉത്തരവില് പറഞ്ഞിരുന്നത്. താലിബാന്റെ ഈ തീരുമാനം രാജ്യത്തെ മൊത്തം ജനസംഖ്യയുടെ പകുതിയോളം പേരെ സെക്കന്ഡറി വിദ്യാഭ്യാസത്തില്നിന്നു വിലക്കുകയാണ്.