കാബൂള്: സ്ത്രീകള്ക്ക് ടിവി ഷോകളിലും സിനിമകളിലും വിലക്കേര്പ്പെടുത്തി താലിബാന്. സ്ത്രീകളുള്പ്പെട്ട ടി വി പരിപാടികളുടെ സംപ്രേക്ഷണം നിര്ത്തിവെക്കാന് അഫ്ഗാനിലെ താലിബാന് ഭരണകൂടം ടെലിവിഷന് ചാനലുകളോട് ആവശ്യപ്പെട്ടു. വനിതാ മാധ്യമപ്രവര്ത്തകരും ടി വി ആങ്കര്മാരും സ്ക്രീനിലെത്തുമ്പോള് ഹിജാബ് ധരിക്കണമെന്നും താലിബാന് നിര്ദേശിച്ചു. അഫ്ഗാനിലെ ടെലിവിഷന് ചാനലുകള്ക്ക് പുതുതായി എട്ട് മാര്ഗനിര്ദേശങ്ങളാണ് താലിബാന് നല്കിയിരിക്കുന്നത്.
ഈ മാര്ഗനിര്ദേശങ്ങള് പ്രകാരം സ്ത്രീകള് സിനിമകളിലോ നാടകങ്ങളിലോ അഭിനയിക്കാന് പാടില്ല. ശരിയത്ത് തത്വങ്ങള്, ഇസ്ലാമിക നിയമം, അഫ്ഗാന് മൂല്യങ്ങള് എന്നിവയ്ക്ക് വിരുദ്ധമായ സിനിമകളുടെ നിരോധനം, പുരുഷന്മാരുടെ സ്വകാര്യഭാഗങ്ങള് കാണിക്കുന്ന സീനുകളുടെ നിരോധനം, മതത്തെയോ അഫ്ഗാനികളെയോ അപമാനിക്കുന്ന കോമഡി പരിപാടികള്, വിദേശ സംസ്കാരങ്ങളെ പ്രോത്സാഹിപ്പിക്കുന്ന സിനിമകള് എന്നിവയുടെ നിരോധനം തുടങ്ങിയവയാണ് താലിബാന്റെ പുതിയ മാര്ഗനിര്ദേശങ്ങളില് പറയുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഈ വര്ഷം ഓഗസ്റ്റലാണ് താലിബാന് തീവ്രവാദികള് അഫ്ഗാനിസ്ഥാന് പിടിച്ചെടുത്തത്. അധികാരത്തിലെത്തിയതിനുപിന്നാലെ സ്ത്രീകളുടെയും കുട്ടികളുടെയും മൗലിക അവകാശങ്ങളും സ്വാതന്ത്ര്യവും നിഷേധിക്കുന്ന തരത്തിലുളള നിയമങ്ങളാണ് താലിബാന് കൊണ്ടുവന്നത്. സ്ത്രീകളും പെണ്കുട്ടികളും ജോലിക്കും സ്കൂളിലും പോകരുത്, കാല് പാദം മറയുന്ന വസ്ത്രം ധരിക്കണം. പുരുഷന്മാരായ ബന്ധുക്കള്ക്കൊപ്പം മാത്രമേ പുറത്തിറങ്ങാന് പാടുകയുളളു തുടങ്ങിയവയാണ് താലിബാന് കൊണ്ടുവന്ന നിയന്ത്രണങ്ങള്.
