മിന്നല് മുരളി മികച്ച പ്രേക്ഷക പ്രതികരണത്തോടെ പ്രദര്ശനം തുടരുന്നതിനിടെ നടന് ടൊവിനോ തോമസിനും കുടുംബത്തിനും ഊഷ്മളമായ സ്വീകരണം നല്കി ഗവര്ണര് ആരിഫ് മുഹമ്മദ് ഖാന്. ഭാര്യ ലിഡിയക്കും മക്കള് ഇസയ്ക്കും തഹാനുമൊപ്പമാണ് ടൊവീനോ ഗവര്ണറെ സന്ദര്ശിച്ചത്. രാജ് ഭവനില് നിന്ന് ഗവര്ണറോടൊപ്പം കുടുംബസമേതം നില്ക്കുന്ന ചിത്രങ്ങള് ടൊവീനോ തന്നെയാണ് സമൂഹമാധ്യമങ്ങളിലൂടെ പങ്കുവെച്ചത്.
'സംഭവബഹുലവും മനോഹരവുമായ 2021 പൂര്ത്തിയാക്കാനുളള ഏറ്റവും മികച്ച അവസരം. വളരെ ഊഷ്മളമായ സ്വീകരണമാണ് ഗവര്ണറും കുടുംബവും ഞങ്ങള്ക്ക് നല്കിയത്. ഇസ തീര്ച്ചയായും അദ്ദേഹത്തിന്റെ ആരാധികയാണ്. അവരെല്ലാവരും മിന്നല് മുരളിയെ സ്നേഹിക്കുന്നു എന്നറിഞ്ഞതില് അതിയായ സന്തോഷമുണ്ട്'- എന്നാണ് ടൊവീനോ ഗവര്ണര്ക്കും കുടുംബത്തിനുമൊപ്പമുളള ചിത്രങ്ങള്ക്കൊപ്പം കുറിച്ചത്.
ബേസില് ജോസഫ് സംവിധാനം ചെയ്ത മിന്നല് മുരളിയാണ് ടൊവീനോടുടെതായി അവസാനമായി റിലീസായ ചിത്രം. മലയാളത്തിലെ ആദ്യ സൂപ്പര് ഹീറോ ചിത്രം എന്ന വിശേഷണവുമായെത്തിയ ചിത്രത്തിന് വന് സ്വീകാര്യതയാണ് ലഭിച്ചുകൊണ്ടിരിക്കുന്നത്. നെറ്റ്ഫ്ളിക്സിലൂടെ ഡിസംബര് 24-നാണ് ചിത്രം പുറത്തിറങ്ങിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ചിത്രത്തില് ടൊവിനോയെക്കൂടാതെ അജു വര്ഗ്ഗീസ്, ഹരിശ്രീ അശോകന്, ബൈജു, ഫെമിന ജോർജ്ജ് എന്നിവരും പ്രധാന കഥാപാത്രങ്ങളെ അവതരിപ്പിട്ടുണ്ട്. ജോക്കര്, ജിഗര്തണ്ട എന്നീ ചിത്രങ്ങളിലൂടെ പ്രശസ്തനായ ഗുരു സോമസുന്ദരമാണ് ചിത്രത്തില് പ്രതിനായക കഥാപാത്രത്തെ അവതരിപ്പിച്ചിരിക്കുന്നത്. സോഫിയാ പോളാണ് മിന്നല് മുരളി നിര്മ്മിച്ചത്. ചിത്രത്തിന്റെ ഛായാഗ്രഹണം സമീര് താഹിറാണ്. ജസ്റ്റിന് മാത്യു, അരുണ് എന്നിവരാണ് മിന്നല് മുരളിയുടെ തിരക്കഥ എഴുതിയിരിക്കുന്നത്.