കൊച്ചി: മോഹന്ലാല് ചിത്രം 'മോൺസ്റ്ററി'ന്റെ റിലീസ് തിയതി പ്രഖ്യാപിച്ച് അണിയറപ്രവര്ത്തകര്. ദീപാവലിയോടനുബന്ധിച്ചാണ് ഒക്ടോബര് 21-നാണ് ചിത്രം തിയേറ്ററുകളിലെത്തുക. പുലിമുരുകന് ശേഷം മോഹന്ലാലിനെ നായകനാക്കി വൈശാഖ് ഒരുക്കുന്ന സിനിമയാണ് മോൺസ്റ്റര്. ആരാധകര് ഏറെ പ്രതിക്ഷയോടെ കാത്തിരിക്കുന്ന മോൺസ്റ്ററിന്റെ റിലീസ് തിയതി പല തവണ മാറ്റിവെച്ചിരുന്നു. അടുത്തിടെ ഇറങ്ങിയ മറ്റുസിനിമകളെ അപേക്ഷിച്ച് മോൺസ്റ്ററിന് കൂടുതല് പോസ്റ്റ് പ്രോഡക്ഷന് വര്ക്കുകള് ആവശ്യമായി വന്നതിനാലാണ് ചിത്രം റിലീസ് ചെയ്യുന്നത് നീണ്ടുപോയതെന്നാണ് വൈശാഖിന്റെ വിശദീകരണം.
ഓണാശംസകള് അറിയിച്ച് ചിത്രത്തിന്റെ അണിയറപ്രവര്ത്തകര് പുറത്തുവിട്ട പോസ്റ്റര് ആരാധകര് ഏറ്റെടുത്തിരുന്നു. ലക്കി സിംഗ് എന്ന കഥാപാത്രത്തെയാണ് മോഹന്ലാല് ചിത്രത്തില് അവതരിപ്പിക്കുന്നത്. ചിത്രത്തിനുവേണ്ടി മോഹന്ലാല് നടത്തിയ മേക്ക് ഓവര് വളരെ ശ്രദ്ധിക്കപ്പെട്ടിരുന്നു. വ്യത്യസ്തമായ ഗെറ്റപ്പിലാണ് മോഹന് ലാല് ചിത്രത്തിലെത്തുന്നത്. തെലുങ്ക് നടന് മോഹന്ബാബുവിന്റെ മകളും നടിയുമായ ലക്ഷ്മി മഞ്ജുവാണ് സിനിമയില് നായികാ കഥാപാത്രത്തെ അവതരിപ്പിക്കുന്നത്. ലക്ഷ്മിയുടെ ആദ്യ മലയാള ചിത്രം കൂടിയാണിത്. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ചിത്രം നിര്മ്മിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, മോഹൻലാൽ ആദ്യമായി സംവിധാനം ചെയ്യുന്ന ബറോസിന്റെ ഷൂട്ടിംഗ് ഒരു മാസം മുൻപ് അവസാനിച്ചു. ബറോസ് അവതരിപ്പിക്കുന്നത് ഇന്റർനാഷണൽ പ്ലാറ്റ്ഫോമിൽ ആയിരിക്കുമെന്ന് ബിഗ് ബോസ് സീസണ് നാല് വേദിയില് മോഹൻലാൽ പറഞ്ഞിരുന്നു.
